بە سەرمەشقایەتیی کۊنگرەو ستاری و جمیەروو کولتووریی هیلالی ئاڵتوونیی کانتۊنوو عەفرینی و شەهبای بەمەبەسوو شەرمەزارکەرڎەی گۊشەگیری سەروو ڕابەروو گەلوو کورڎی عەبدوڵا ئۊجالان بروشورۍ وەڵۍ کریێوە.
پەی ورگێرتەی گۊشەگیریی دژواروو سەروو ڕابەروو گەلوو کورڎی "عەبدوڵا ئۊجالان" حەریۊ جە کۊنگرەو ستاری و جمیەروو کولتووریی هیلالی ئاڵتوونی جە کانتۊنوو عەفرینی و شەهباینە بە دروشموو "وەخت وەختوو ئازادیین" بە ئەرەیاوناێوە دەسش بە وەڵاکەرڎەیۊ بروشورا کەرڎ.
ئەنداموو ڕاوەبەریی کۊنگرەو ستاری جە کانتۊنوو عەفرینی و شەهباینە "ریحان عەلۊ" واتش، کە گۊشەگیریی دژوار سەروو ڕابەروو گەلوو کورڎی عەبدوڵڵا ئۊجالان تا مۍ دژوارتەر بۊ و واتش، "جە وەراوەروو ئا گۊشەگیرییەینە ئینسانیەت بێدەنگا. وەروو ئانەی گەل بە سیستموو نەتەوەی دیموکراتیکیوە بژیوۊ، ئێمە وێڕاگێری کەرمۍ. ئیسەیچ ئێمە دەس بە وەڵاکەرڎەیۊ بروشوری بارەو دۊخوو ڕابەر ئاپۊیۊ کەرمۍ. جە بروشورەکانە باسما جە گۊشەگیریی سەروو ڕابەر ئاپۊی کەرڎەن. ئی هەڵمەتێما ٤ ڕوۍ بەرڎەوامە بۊ. جە ڕۊۍ یووەمنە مەنتێقەو ئەحداس، فیفان و کەمپوو مدرامانینە ئا بروشورا وەڵا کەرمێوە. جە ڕۊی دووەمیچنە جە کەمپوو سەرڎەمی و مەنتێقەو ئەحرەسینە بەشۍ کریا. جە ڕۊژو یەرەمیچنە مەنتێقەکاو تل ڕەفعەتی و مەنتێقەو شێراوای بروشورۍ وەڵۍ کریاوە. دماڕۊیچەنە بە راپیماێوە گۊشەگیریی دژواروو سەروو ڕابەر ئاپۊی شەرمەزار کریۊ".
س.ز
