جە سەرەتاو پاییزیوە زیاڎ جە ١٥٠ کۆڵبەرا بیېنۍ بە قوربانی
تەقەکەرڎەی و کەرڎةی ئامانج و کۆڵبەرا جە مەنتیقە سنووریەکا ۋەرکەوتوو کوردسانینە بەردەواما و بە پاو تازەتەرین ئامارۍ، جە سەرەتاو پاییزیوە زیاڎ جە ١٥٠ کۆڵبەرا بیێنۍ بە قوربانی کە ١٩شا زارۊڵېنۍ.
بەپاو ئامارەکاو کۆڵبەڕ نیوزی جە سەرەتاو پاییزوو ئېساڵیۆ تا ئارۆ بە گرڎیی ٩ کۆڵبەرۍ کوشیېنۍ و ١٤٥ کۆڵبەرێچ جە مەنتیقە سنوورییەکاو ۋەرکەوتوو کوردسانینە زامڎارۍ بیېنۍ. ئانەیچ وزیان ڕووە، سەڎەنە ٩٢ۍ ئا کەسایچە بە تەقەو هێزەکاو دەوڵەتوو ئێرانی کریېنۍ ئامانج.
ئاماژە پانەیچ کریان، کە چا ژمارەیە ١٩ کۆڵبەرۍ کوشیېنۍ کە یان زامڎارۍ بیېنۍ، زارۊڵۍ بیېنۍ و دمایین نمونەیچ پەرهام محەمەدی کۆڵبەری عمر ١٧ ساڵ خەڵکوو شاروو دێوڵانەی کە جە دەروازەو سنووری هەنگەژاڵەو بانەی جە ئاکاموو تەقەو هێزەکاو دەوڵەتوو ئێرانی بە سەختی زامڎاربی.
ماوەو چن مانگێوەن هێزەکۍ ئێرانی هجومەکېشا پۍ سەروو کۆڵبەرا زیاڎ کەردېنۍ و فرەو ئا کۆڵبەرا کە جە دووە مانگی ۋیەرڎەنە کریېنۍ ئامانج سنووروو هەنگەژاڵەو بانەی و سنووروو نەوسوڎەو هەورامانینە بیەن جە پارێزگاو کرماشانی.
