مەراسیمەکە جە تەرەفوو کۆنگرەو دیموکراتیکی گەلا (هەدەکە)ی، جمیەروو ژەنا ئازاڎیی (تەژەئا)ی و پارتوو یەکسانی و دیموکراسی گەلا (دەم پارتی) رێکوزیان و بە بەشداری هەزاران کەسا دەسشپنەکەرد.

تەخت و شانۆیی مەراسیمەکەی بە لافیتەو "هۊربێزدۍ، وەخت وەختوو ئازاڎیی و سەرکۊتەیا" ڕازیانۆ. جەماوەرەکە جە دووۍ بەرێوە ملا دلۍ مێڎانەکەی.

ئا خەڵکەی جە مەنتیقە جیاجیاکاوە ڕووەشا جە مێڎانەکەی کەردەن بە جلوبەرگی نەتەوەیی و ئاڵای سەوزە، سوورە و زەردۆ بەشداری جە پیرۆزکەردەکەینە کەرا.

ئا گەنجۍ کە سەروو فانیلەکاشاوە نویسیابۍ "کوردسان" جە تەرەفوو پۆلیسەکاوە راگیریۍ. بەڵام بە حۊڵوو تەقەڵاو کۆمیتەو ئاماڎەکاری ڕا بە گەنجا دریا بلانۍ دلۍ مێڎانەکاوە.

جە مێڎانەکەنە بە واتەیۆ دروشمەو "بژیۋۆ سەرۆک ئاپۆ" گەل داواو ئازاڎیی جەسڎەیی رابەروو گەلوو کوردی عەبدوڵا ئۆجالانی کەرۆ و حەرپاسە دروشمەو "ژەنی، ژیۋای، ئازاڎیی" ماچاوە.

مەردوم مێڎانەکەنە بە هۆرپڕای شاڎیی بەربڕا.

هاموەخت کرێکاراو بیناسازیچ پەی بەشداریکەردەی جە مەراسیموو نەورۆزینە بە چنڎین پاسۍ ڕووەشا جە مێڎانەکەی کەردەن.