جە چوۋارچێۋەو ۋنەکۊڵیاکاو داواکارو گرڎی ئەستەنبوڵېەنە ھێزە ئەمنیەکۍ دۊڵەتو ترکی جە فرەو شارەکاو ترکیەینە ھورشا کوا سەرو چنڎین یاناو چن کەسێشا گێرتۍ.

ھێزە ئەمنیەکۍ دۊڵەتو ترکی جە شارەکاو ئەستەنبوڵی و ئەنقەرەی و ئەدەنەی ھورشا کوا سەرو چن یانێۋەو جە ئاکامشەنە لانی کەم ٩ کەسێشا گێرتۍ، کە ئەنڎاما ئەنجومەنو پارتو سۊسېالېستو چەۋەسېاکا (ESP)، فېدراسېۊنو جەمەو جوۋانا سۊسېالېستی (SGDF)، جەمەو ژەنا سۊسیالېستی (SKM) و جە ئاژانسەو ھەۋاڵی ئەتکېنی "ئەلېف بایبورت" و ٨ کەسۍ تەریچ گېریۍ.

ئەرەگېریێکۍ بریێنۍ پۍ ڕاۋەبەری ئاسایش و ئەستەنبوڵی و تا ئېسەیچ مەڵامەتو گێرتەکەیشا ئاشکرا نەکریان.

نامۍ کەسە گېریاکا پی جۊرەنە،"دەنېزئاشە ئاکشار، ئەلېف بایبورت، تانېا کارا، ئۊکان داناجی، سەنەم پاکتاش، بېرکان پۊڵات، دەنېز باخچەچی، جان پاپېلا، دەڤریم بارش''.

ھ.ش