ھورچنیەی جە نەمسانە، ئارۊ دەسش پنەکەرڎ. جە سەرسەعبۊن گەل سەرداو کونسوڵخانەو تورکلە سیدنی کەرۊ.

کۊردیناسیۊنو ھورچنیەو پارتو جەپی سەوزی نەمسانە، پۍ ئانەی خەلکی بەرا سەرو سنوقەکا دەنگدای و دەنگ بە پارتو چەپی سەوزی بڎا، جە سیدنی بە دروشمو '' ئێمە ئینایمۍ چۍ، پېوەرە فاڕمېش – دیسان ئێمە'' گەلی کۊبیۊ. زییا پیر پەرلەمانتارو وەڵتەرو ئامەڎی چنی گەلی کۊبیۊ. پیر باسش جە ئەھمیەتو ھورچنیەکا کەرڎ و پۍ پارتو چەپی سەوزی داواش جە گەلی کەرڎ دەنگ بڎا.

فەڕەنسا

پاریسو پایتەختو فەرەنساینە جە ماریسلیا، ستراسبۊرگ، نانتیس، بۊردۊی شارەکا فەڕەنساینە، ٣٩٧ هەزارۍ و ٨٦ کەسۍ متاۋا دەنگ بڎا. دەنگدای چا شارانە جە ٩و ئایارینە دەس پنەکەرۊ.

جە نانتیس ڕووەکا شەممەی و یەکشەممەی پۍ ھورچنیەی دیاریکریابۍ و دوۋۍ سنوقۍ نریېنېرە.

 ڕۊو یەرەمو دەنگدای، کورڎسانیۍ و خەڵکو تورکیای جە نانتیس و شارەکا دۊروبەری سەرداو کونسوڵخانەو تورکیایشا جە نانتیس کەرڎ و دەنگو وێشادا.

هۊزان عەلی گول ئەندامو تەڤدەمی، نوێنەرو جەهەپەی رەئوف تۆکتەمیر، ئەمینە یاناک، موسلیم یاناک و فادیمە هەزەرە ئەنڎاما پارتو چەپی، خوڵقەشا جە کورڎستانیا و خەڵکو تورکیای کەرڎ جە ئۊروپا کە دەنگو وېشا بڎا.

ھ.ش