زانشگەو دەمەنهورو میسڕینە جە ئینتیحانەکا وەهارینە، پرسیارێوەش پەی خونکارا ئاردۆ دەربارەو "بانگەوازو ئاشتی و گلێرگە و دیموکراتیک"ـو ڕابەر ئاپۆی کە ٢٧ و شوباتی ئەرەیاویا.

پرسیارە و ئینتیحانەکا جەلایەن و ئەکادیمیسیانی میسڕی د. محەمەد ڕەفعەت ئەل ئیمام ئامادەکریێ. ئەل ئیمام وەڵتەر پەیلوای وێش دەربارەو پەرسو کوردی بەربڕییەن.

ئی پرسیارێ جە خونکارا کریا:

_ کوردەکێ سەدە و (١٩٢٥_٢٠٢٥) ڕووبەڕوو سیاسەتو نکۆڵی و بەتورکی و بەعەرەبکەردەی باوە. بەڵگە پەی پەشتڕاستکەردەیۆ ئینەی وزە ڕووە، ڕەهەندە جەیۆشییەکۍ و جیاوازەکا دەستنیشان بکەردێ.

_ فەیلەسوفی مییاننەتەوەیی عەبدوڵا ئۆجالان جە ٢٧ و شوباتینە "بانگەوازو ئاشتی و گلێرگە و دیموکراتیک"ـیش کەرد، پەیلوایتا چێشا؟

_ دەورو پارتو کرێکارا کوردەسانی (پەکەکە) جە زینەکەردەیۆ پەرسو کوردینە چێشا؟

پرسیارە و ئینتیحانەکەی، جە میدیای دیجیتاڵینە دەنگدایۆ فرەش شۆنە و وێشەرە ئارد.