لە تاقیکردنەوەکانی زانکۆیەکی میسڕدا پرسیار دەربارەی بانگەوازەکەی ڕێبەر ئاپۆ کرا
زانکۆی دەمەنهوری میسڕ، لە تاقیکردنەوەکاندا پرسیاری "بانگەوازی ئاشتی و کۆمەڵگەی دیموکراتیک"ـی ڕێبەر ئاپۆی لە خوێندکاران کرد.
زانکۆی دەمەنهوری میسڕ لە تاقیکردنەوەکانی بەهاردا، پرسیارێکی بۆ خوێندکاران هێنایەوە دەربارەی "بانگەوازی ئاشتی و کۆمەڵگەی دیموکراتیک"ـی ڕێبەر ئاپۆ کە ٢٧ ی شوبات ڕاگەیاندرا.
پرسیارەکانی تاقیکردنەوەکە لەلایەن ئەکادیمیسیانی میسڕی د. محەمەد ڕەفعەت ئەل ئیمام ئامادەکران. ئەل ئیمام پێشتر بۆچوونەکانی خۆی دەربارەی پرسی کورد دەربڕیوە.
ئەم پرسیارانە لە خوێندکاران کران:
_ کوردەکان سەدەیەکە (١٩٢٥_٢٠٢٥) ڕووبەڕووی سیاسەتی نکۆڵی و بەتورککردن و بەعەرەبکردن دەبنەوە. بەڵگەکان بۆ پشتڕاستکردنەوەی ئەمە بخەنەڕوو، ڕەهەندە لێکچوو و جیاوازەکانی دەستنیشان بکەن.
_ بیرمەندی نێونەتەوەیی عەبدوڵا ئۆجالان لە ٢٧ ی شوبات "بانگەوازی ئاشتی و کۆمەڵگەی دیموکراتیک"ـی کرد، بۆچوونتان چییە؟
_ ڕۆڵی پارتی کرێکارانی کوردستان (پەکەکە) لە زیندووکردنەوەی پرسی کورددا چییە؟
پرسیارەکانی تاقیکردنەوەکە، لە میدیای دیجیتاڵدا دەنگدانەوەی زۆری بەدوای خۆیدا هێنا.
