جەمال یلمازی ٥٨ ساڵە و ئەرین تەکینی ٥٦ ساڵە دماو ٣٢ ساڵا زیندانوو شاکرانوو ئیزمیریەنە وەرێ بیێ. کە وەڵتەرێ دووێ جارێ وەربییەیشا دماوزیابێ. لاو بنەیانە و چندین کۆمەڵا و پەرلەمانتاراوە خێرامایشا وەنە کریا و چندین کاوەترییشا پیسەو هێماو ئازادیی عاسمانەرە فڕنێ.

جەمال یلماز لوەردەموو سجنینەواتش: "مدرامان دژوو سیاسەتوو فشاری و گۆشەگیری تا بێ  لاو زیندانییاوە قەوەتتەر مبۆنە. هامڕێما ئینێ زیندانەنە ئینە خەمبارما مکەرۆ، بەڵام جە ڕووە وەشەکانەپێوە جەمێ بیمێوە."

دمایی ئەرین تەکین باسوو دۆخوو زیندانەکاش کەرد و ئاماژەش ندا هەتا بێ دۆخوو زیندانەکا خراپتەر مبۆ و واتش: " وەختوو وشکنایەکانە ئامێرەکاما ماڕێنێ. فشارێوی فرە زیندانییا کەرێنێ. حەرچندە وەرێ بییەیمێ بەڵام ویرما ئینا لاو هامڕایاماوە زیندانەکانە. ڕوێو مێ پێوە دڵوەشێ بیمێ."