جە دژوو هېزەکا تورکی ئەرەگیری جە مېڎانوو مدرامانوو کەش و ئامێدینە بە تەکنیکی تایبەت ٦ چالاکیۍ ئەنجامدریۍ. هەپەگە ئەرەیاۋناش، "چا چالاکیانە ئەوەتەقای گەورە دلۍ سەنگەرەکاو ئەرەگیرانە ڕوەشدا و دوژمن زەرەرۍ گېیانی فرەش ۋەرکەوتەن".
ناوەندوو ئەرەیاۋنای و چاپەمەنی هەپەگەی ئەرەیاۋناش، "جە وەرا ۋەروو ئەرەگیرانە جە مېڎانوو مدرامانوو کەش و ئامێدینە جە هەڕێموو گەشمەرڎە دەلیلی جە ۋەرنیشتوو زاپی بە تەکنیکی تایبەت ٦ چالاکیۍ ئەنجامدریێنۍ. جە کەشەکا گەشمەرڎە پیردۆغان، گەشمەرڎە گەلهاتی و ساحەو کۆماندۆی جە مېڎانوو مدرامانوو کەش و ئامێدی جە ٤ و حوزەیرانینە سەعات ٠٧:١٧، ١١:٣٦، ١٥:٠٥ دەیەقۍ و ٥ و حوزەیرانی سەعات ٠٦:٣٥، ١٦:٤٤ و ٢٢:٠٧ دەیەقۍ جە سوپاو تورکی ئەرەگیری دریا. چا چالاکیانە کە بە تەکنیکی تایبەت ڕووەشادا، دلۍ سەنگەرەکاو ئەرەگیرانە ئەوەتەقای قورس ڕووەشا دا و دوژمن زەرەری گەورەی گیانیش ۋەرکەوت".
ئەرەیاۋناکەو هەپەگەی پی جۆرە بەردەوام بۍ:
" هەرێموو گەشمەرڎە دەلیلی جە ۋەرنیشتوو زاپی؛
٥و حوزەیرانی سەعات ١٨:١٠ دەیەقۍ جە مېڎانوو مدرامانوو کەش و جودی بە چەکی نیم ئۆتۆماتیک جە ئەرەگیرا دریا.
٥و حوزەیرانی سەعات ٢٠:٢٠ دەیەقۍ جە مېڎانوو مدرامانوو کەش و ئامێدی بە چەکی نیم ئۆتۆماتیک جە ئەرەگیرا دریا. چالاکیەکە جە تەرەفوو هێزەکاو یەژاستاریماوە کریا.
هجوومەکۍ سوپاو تورکی ئەرەگیری بە تەقەمەنی قەڎەغەکریای:
٤ و ٥ و حوزەیرانی جە هەرێموو گەشمەرڎە دەلیلی جە ۋەرنیشتوو زاپی مەڕەکۍ ئێمە جە مېڎانوو مدرامانوو کەش و ئێف ئێمی ١٣ جارۍ بە گازی کیمیاویی ژەعراوی بۆردومانۍ کریۍ.
٤و حوزەیرانی جە هەرێموو گەشمەرڎە دەلیلی جە ۋەرنیشتوو زاپی مەڕەکۍ ئێمە جە مېڎانوو مدرامانوو کەش و ئامێدی ٤ جارۍ بە تەقەمەنی قەڎەغە کریا بۆردومانۍ کریۍ.
هجوومەکۍ دەوڵەتوو تورکی ئەرەگیری؛
٤ و ٥و حوزەیرانی جە هەرێموو گارەی؛ مېڎانوو سیسەری ٢ جارۍ، جە هەڕێموو مەتینای؛ مېڎانەکۍ مدرامانوو بازێ، بێشیلی، دەرگەلێ، سەری مەتینای و شیلازێ ٧ جارۍ، جە هەرێموو قەندیلی؛ مېڎانەکۍ گەشمەرڎە هارون، گەشمەرڎە جیهان، کەس و زەرگەلێ ١٣ جارۍ، جە هەرێمەکاو خواکورکی؛ مېڎانەکۍ سنینی، گەشمەرڎە شەریفی ٢ جار؛ بە گرڎیی ٢٤ جار بە فڕۆکەی جەنگی بۆردومان کریۍ".
