کۆجائەلی-ینە پەنج پاسێ سوچنیێ و جۆلەمێرگنە چالاکی کریا
یۆبییەی گەنجە وەڵاتپارێزناو کوردستانی (یەجەوەکە) واتش مەنتێقەو گەبزەو کۆجائەلیەنە ئایرشا وەنەو پەنج وەردان و جۆلەمێرگنە دژوو نیانیرەی دانانی قەیومی دژوو پۆلیسی گژیێنێ.
ئەرەیاونایەکەو یۆبییەی گەنجە وەڵاتپارێزناو کوردستانی (یەجەوەکە)ینە وچیان: "چوارچوەو هەڵمەتەو 'بە کۆشیایما بیمێ بە یۆ، چەنی ڕابەر ئاپۆی دا ئازادێ بیمێ پارکوو ئەشرەفوو بەدلیسینە کۆجائەلی-گەبزیەنە ئایر وەنەو پەنج سەیارە ڕسمییا فاشیستا وەردریا. پەنەوازا گرد کەسێو بزانۆ جوابوو هەر هجوومێوە مدەیمێوە، کە مکریۆ سەروو گەلەکەیما. داواش وەنەو گەنجاو کوردستانی و تورکیای مکەرمێ بەشدارێ دلێ ڕێزەکاو یۆبییەی گەنجە وڵاتپارێزناو کوردستانی بانێ."
یۆبییەی گەنجە وەڵاتپارێزناو کوردستانی ئانەش دیاری کەرد، چوارچوەو هەمان هەڵمەتێنە وێرەگاو ڕۆو ٥و حوزەیرانی جۆلەمێرگنە چندین چالاکیێشا کەردێنێ و واتش: "چالاکییەکانە یەکینەکێما بە تەوەنی، مۆلۆتۆف و تەقەمەنی هەوایی جوابوو پۆلیسیشا دانۆ. دژوو هەر جۆرە هجوومێوی سەروو گەلەکەیما مەیدانەکانە ئامادێ مبیمێ، داوا وەنەو گەنجاو کوردستانی مکەرمێ کۆڵانەکانە مدرامان بکەرا."
