هاووتەبێژی کۆنگرەی دیموکراتیکی گەلان (هەدەکە) جەنگیز چیچەک و پەرلەمانتارانی ئەستەنبولی دەم پارتی کەزبان کۆنووکچوو و جەلال فرات بە ئامانجی شەرمەزارکردنی دانانی قەیوم لەسەر شارەوانی جۆلەمێرگ پانکارتی "ونبە قەیوم"یان بە پردی بۆگازیچیدا هەڵواسی.

چیچەک: کودەتاچی دەدۆڕێت

پەرلەمانتار دوای هەڵواسینی پانکارت بە پردەکەدا قسەیانکرد. هاووتەبێژی هەدەکە چیچەک لە سەرەتادا قسەیکرد و وتی: "لە گەزی هەتا کۆبانێ لە ئەستەنبولەوە هەتا جۆلەمێرگ کودەتاچییان دەدۆڕێن. سەرکەوتن بۆ گەلانی کوردستان و تورکیایە. سەردەکەوین."

کۆنووکچوو: پێویستە پێکەوە لە دژی عەقڵێتی قەیوم بوەستینەوە

پەرلەمانتاری دەم پارتی کەزبان کۆنووکچوو قسەیکرد و ئاماژەی بەوەدا ڕێگەنادەین ئیرادەی گەلی کورد پێشێلبکرێت و بانگەوازی لە هەموو دیموکراتیک خوازانکرد لە دژی عەقڵێتی قەیوم پێکەوە بەرخۆدان بکەن.

دواتر پەرلەمانتاری دەم پارتی جەلال فرات وتی: "ئێوەن کە دەڵێن 'سەرەوەری بێ شەرت و مەرجی گەل' لە لایەکیشەوە قەیوم دەسەپێنین بەسەر ئیرادی گەلدا. گەر سەروەری گەل بوونی هەبێ، بەدڵنیاییەوە پێویستە ڕێز لە ئیرادەی گەل بگرن. سەرکەووتن بۆ ئێمەیە."