جەمەو کورڎا ئۊروپانە مجیېرە مەیڎانەکا ١و ئایاری
فرەو ۋڵاتا ئۊروپاینە جە ١و ئایارینە کرێکارۍ و رەنجدەرا مجیېرە مەیڎانەکا و کورڎەکېچ بەشڎاریشا جە چالاکییەکانە کەرڎ.
شارو لاڤریۊی ئەسیناو پایتەختو یۊنان-ینە زەماۋنەو مبارەک بایی ١و ئایاری سازکریا.
جە ڕاپیماو ١و ئایارینە کە سەندیکاکۍ یۊنانیچ چنەشەنە ئاماڎەیشابۍ، جەبارەو مانا و گرنگی ١و ئایاریۊ قسۍ کریۍ.
جە شارو لۊریەنتیش-ینە پېسە تەمامو شارەکا فەرەنسای سەندیکاکۍ کرێکارا، پارتە سیاسیەکا و ژمارېوە فرە رێکوزیۍ مەڎەنی مجیېرە جاڎەکا.
کورڎەکېچ بە ئاڵاکا ۋێشاوە بەشڎاریشا جە ڕاپیماکەینە کەرڎ.
جە میانگەو شارو لۊریەنت-ینە سەعاڎ ١٠ و سەرسەعبی بە هەزاران کەسۍ کۊبیېوە و بە ۋاتەیۊ دروشمەکا ڕاپیمایشا دەسپنەکەرڎ.
جە ڕاپیماکەینە خانەنشینا حکومەتو فەرەنسایشا بە دەستکاریکەرڎەو عومرو خانەنشینی جە ٦٢ ساڵیۊ پۍ ٦٤ ساڵی، شەرمەسار کەرڎ.
سەندیکاکۍ فەرەنسای چەمەڕوانېنۍ کە جە ١و ئایارینە جەمەو کرېکارا جە دژوو چاکسازی خانەنشینی وێنیشاندای تاریخی ئەنجام بڎا.
هـ. ش
