جەنازەو گەریلا سەرحەد یاڵچنی ھورگیریاوە
خانەواڎەو یۊ چا دوۋە گەریلایا کە ١٠و ئایاری جە مەنتیقەو لجێی ئامەڎی گەشمەرڎە بی، جەنازەکەشا ئشناساوە و ھورشا گېرتۊ.
جە دەگاو بامتنێی مەنتیقەو لجێی ئامەڎیی جە ١٠و ئایارینە جەنگ ئاما ئاراوە و گەریلاو هەپەگەی سەرحەد یاڵچن ئشناسیا بە(دڵگەش گوزەرەشین)ی و گەریلېوە تەر کە نامەکېش نەزانیېنە گەشمەرڎۍ بیۍ.
جەنازەو هەردوۋە گەریلاکەی پەی شناسایۊ فاڕیېوە پۍ دەزگاو پزیشکی داڎی جە ئامەڎ.
خانەواڎەو گەریلا یاڵچنی ١٦و ئایاری جە وانۊ پەی شناسایۊ جەنازەکەی لوۋۍ پۍ ئامەڎی.
خانەواڎەکە جەنازەکەشا ھورگېرتۊ و بەرڎشاوە پۍ وانی. بە پاو زانیارییەکا جەنازەو گەریلاکەو هەپەگەی جە قەبرسان و کارشیاکی جە وان بە خاکی مسپاریۊ.
حەرپاسە ئەرەیاۋیا کە جەنازەو گەریلېوە تەری کە نامەکېش نەزانیان ١٥و ئایاری جە لایەنو خانەواڎەکەیشۊ ھورگیریانۊ.
هـ . ش
