گەریلۍ یەژاستاری نوپەلدا سێرت (گولەر ئۆزبەی)ە چنی پەنج هەڤاڵاش جە جەنگ و بەینوو گەریلاکاو ئازاڎیی کوردسانی و سوپاو تورکی ئەرەگیری جە کاتۆ مارینۆس جە ڕۆو ١٤-١٥و ئەیلولوو ٢٠١٨ ی گەشمەرڎۍ بیبۍ، جە دەگاو لۆدێی سەر بە مەنتیقەو دهۍ (ئەروح)ی سەر بە سێرتی بەخاکی سپاریا.

حەرچنە دمابەدماو گەشمەرڎەبیەیش، بنەیانەو نوپەلدا سێرتی جە لایەنوو ڕاوەبەری پۆلیسوو جۆلەمێرگیوە ئاگاڎارکریېبێنێوە و دەموو دەس لوېبێنۍ پۍ ئا شاریە و وشکنای دی ئێن ئەیشا کەرڎەبۍ، بەڵام هەمان ساڵ و بە بێ ئاگاڎارکەرڎەیۆ بنەیانەکەیش جەنازەو ئا گەشمەرڎۍ جە قەبرسانوو بێکەساو جۆلەمێرگینە ئەسپەرڎە کریۍ بۍ.

جە ٢٩و تشرینوو دووەموو ٢٠٢٣ پۆلیسوو جۆلەمێرگی پەیوەندیش بە بنەیانەو نوپەلدا سێرتێوە کەرڎ و ئاگاڎارېش کەردېوە کە جەنازەو کناچەکېشا ئینا پەیمانگاو دکتۊرو داڎوەری ئیستەنبوڵینە. دمابەدماو سەردای بنەیانەکەیش پۍ ئیستەنبوڵی جەنازەکەشا دلۍ کیسێوەنە دریاوە دەس.

جەنازەو نوپەلدا سێرتۍ جە دەگاو لۆدێی سەر بە دهێی، جە لایەنوو بنەیانەکەیشاوە ئەسپەرڎۍ بە خاکی کریا.