دەوڵەتی ئەرەگیروو تورکی نزیکوو سەیدسادەقوو پارێزگاو سلێمانینە سەیارێوەش کەرد ئامانج و دوێ ڕۆنامەنویسێ ژەنی کۆمپانیاو چەتری (گوڵستان تارا و هێرۆ بەهادین)ە گەشمەردێ بیێ.

وێرەگاو ئارۆی مەراسیمێوی جەماوەریینە قەبرسانوو قەرەتۆغانینە سنوورو سلێمانیینە بە ئامادەبییەی کەسوکاریش و چالاکا و هامخەباتاش، جەنازەو گەشمەردە هێرۆ بەهادینێ بە خاکی ئسپارییا.

 مەراسیمەکەنە ڕاوەبەروو کۆمپانیاو چەتری کەمال حەمەڕەزا سەرەوەشییش وەنەو کەسوکار و هامخەباتاو گەشمەردەکا کەرد و هجوومەکەش شەرمەزار کەرد و واتش:" ئی هجوومەو دەوڵەتوو تورکی ئەرەگیری پەی سەروو ئەرەیاونای ئازادی، بەروزوو ئا ڕاسییەینە، کە ئەرەیاونای ئازاد بییەن بە قۆرتیوە وەردەموو بەیاگەیاونای پیلانەو ئەرەگیرا و ئەرەگیرکارییە گڵیاوەکاشانە، ئەرەیاونای ئازاد دایمە دەوری سەرەکییش گێڵنان، جە پووچەڵکەردەیوەی ئا سیاسەتانە سەروو گەلەکەیماوە مکریا."

کەمال حەمە ڕەزا وەعدش دا بە درێژەدای بە ڕا و ئەرەیاونای ئازادی.

بە درووشموو "گەشمەردە نمەمرۆ" و "هێرۆ نمەمرۆ"ی جەنازەو گەشمەردە هێرۆی بە خاکی ئسپارییا.