جەنازەو جەنگوانێوە هێزەکاو سوریای دیموکراتی (قەسەدە) "ویسام حەسەم ئەلجاسم"ی بە ڕاوڕسمێوە منبج-نە بە خاکی ئسپاریا کە جە ٢٨وو شوباتینە جە "عەین عیسا"نە گەشمەرڎە بی.

جەماوەر جەنازەو گەشمەرڎەیشا خەسەخانەو فوراتیوە ور گێرت و بە کارەوانێوە پەی قەبرسانوو گەشمەرڎا بریا. ڕاوڕسمەکە بە ڕاوڕسمێوە سەروازی ئەنجوومەنوو سەروازیی منبج-ی دەسش پەنە کەرد.

دماتەر "محەممەڎ عەلی" فەرماندە جە ئەنجوومەنی سەروازیی منبج-ی قسێش کەردۍ و واتش، " هیزی گەشمەرڎێوەما بە خاکی ئسپارا و ئارۊیچ گەشمەرڎەی قارەمانما "ویسام ئەلجاسم"ی ڕوانە کەرمۍ. خوای ور چنی، کە ویسام گەشمەرڎەییش بەنسیب بۊ، چوون وەعدش دابۍ کە تێکەڵوو کارەوانوو نەمرا بۊ."

ئینجا قەراروو درێژەدایشا بە ڕاو گەشمەرڎا دا و واتشا، " تا دڵۊپێوە ونی جە جەسەمانە بۊ درێژە بەڕاو گەشمەرڎا مڎەیمۍ، وەروو ئانەی ئێمە ساعیبوو ئی خاکینمۍ و خاکەکەیما پارێزنمۍ."

"محەممەڎ ئەلحەسەن" ئەنداموو ئەنجوومەنوو بنەیانەو گەشمەرڎا، قسێش کەرڎۍ و قەراروو پارێزنای میراسوو گەشمەرڎا و درێژەدایش بە خەتەو گەشمەرڎا دا.

"محەممەڎ خێر شێخۊ" هامسەرۊکوو ئەنجوومەنوو ڕاوەبەریی مەڎەنیی دیموکراتیی منبج-ی و دەگایەکاش، ئاماژەش بە هجوومەکاو دەوڵەتی ئەرەگیروو تورکی کەرد و واتش، " جە وەختێوەنە کە گەل سەرگەرموو کارەساتوو بومەلەرزەین، دەوڵەتی ئەرەگیروو تورکی هاموەڵاتییاو سەرنیشت و وەرکەوتوو سووریای بە تەیارە گێرۊرە. ئێمە بە ئەخلاقیما جووڵییەیمێوە و هامکاری وەنەقۊمیایا کەرمۍ، وەلۍ ئەرەگیرۍ بە کولتوورشا جماوە. ئێمە درێژە بە ڕاپیمایما پەی پارێزنای ئاسایشوو هەرێمەکەی مڎەیمۍ."

دماتەر "مەحمووڎ ئەبو عیدۊ" ئەنداموو ئەنجومەنوو بنەیانەو گەشمەرڎا شناسنامە و گەشمەرڎاش واناوە و دریاوە دەسوو بنەیانەکەیشاوە.

دماتەر جەنازەو گەشمەرڎەی بە دروشمۍ بە خاک ئسپاریا.

س.ز