گەشمەرڎە سەبری عەبدولقادر سەبری تۊرباک، ماوەو ساڵانێوەن پانیشتوو کورڎسانینە پەنابەری سیاسی بییەن و تاتەو یەرێ زارۊڵان و خەسەخانیوە تایبەتوو سلێمانیینە هەرمانەش کەردێنە، هیزی چەکدارێوە دەوڵەتی ئەرەگیروو تورکی دا وەروو دەسمجوو گولـلا و گەشمەرڎەش کەرد.

ئیساتێنە کەسوکاروو گەشمەرڎە دکتۊر سەبری تۊپراکی، ئامێنێ سلێمانی و خەڵک پەی سەرەوەشی ملۊ لاشا و قەرارا چێگە پەرسەش پەی بنیارە و دمای تەمامنای ڕاکارە ڕسمییەکاو بەینوو هەرێموو کورڎسانی و دەوڵەتوو تورکی جەنازەکەیش بەراوە ماواو وێش و سەرنیشتوو کورڎسانینە بەخاکی بسپاراش..