تشرینەنە جەنگ جە قۆڵەکا و مەڕەکانە بەردەواما. جەنگاوەرەو یەپەژەی ئامارا قامیشلۆوە سەرو ژیوا و بەشداربیەییش قسێما پەی مکەرۆ. ئامارا قامیشلۆوە ساڵەو ٢٠١٩ ی بەشداری ڕیزەکا یەپەژەی بۆنە و ماچۆنە: "بەشداربییەو من جە یەپەژەی هەست و قەرارێ فرە جیاواز بێ، کاتێ کوڕو لالۆیم دلێ ڕیزەکا قەسەدەینە گەشمەرڏە بی، کاریگەری فرەش سەرم وەش کەرد. بە دۆخ و ئایدۆلۆژیایی شۆڕشو وەرنیشتی باوەڕیم ئارد، کە مشۆم بەشداری یەپەژەی بونە".

هەمڕایەتی بەینو جەنگاوەرا قەسەدەی و یەپەژەی

ئامارا قامیشلۆوە سەرنجش وست سەرو بەها و گرنگی هەمڕایەتی و واتش: "دلێ ڕیزەکامانە پەیوەندو هەمڕایەتی فرە گرنگا. خاوەنو مانێوە جیاوازێن. چێوی فرە گرنگ پەی ئێمە هەمڕایەتییا. متاومێنە واچمێ ئەنەو نان و ئاوێ گرنگا. جە پڕۆسەو جەنگی و مڏرامانینە هیڵو هەڤاڵێتی هەن. بەینو هەمڕایەتی ژەنێ و پیاینە ڕۆحو هەڤاڵێتی فرە بەرزا. کاتێ یەکتر وینانە یان یان قسێ مکەرانە، پاسە دیارا کە چن سالێن چەنی یەکتری ئەوەکۆشای مکەرا. ڕۆحێوە باجۆرەشا هەن".

'بینمێ بە تەرسە و وەرمی سیاو چەتەکا'

واتیشش: "کاتێ مرۆڤ جە قۆڵەکا دوور گنۆوە هەستێوە قوڵش پەی وەش بۆنە، پرسیارەش لاوە دروسە بۆنە. جە وێ پەرسا ومنیچ پاسەن. چێش ڕووەمڏرۆنە، چنین ڕووەمڏرۆنە؟ یان ئاستو جەنگی و دوژمنایەتی چەنین بۆنە چونکە ئێمە هێزێ سەوازینمێ؟ پی جۆرە سەرو بابەتەکا ویرمکەروە، بەڵام دماو ئانەی ئامانی ئێگە پرسیارەکێم نەمەنێ. مڏرامانما نیشانەشدا کە هێزێوە بە هێزێنمێ. ئیسە بیێنمێ بە تەرسی و وەرمی سیاو چەتەکا".

ئامارا قامیشلۆوە پی جۆرە دمایش بە قسەکاش ئارد: "مشۆم گەلەکەما و گلێرگەما زانۆ کە هەتاوەکو دمایی ئینایمێ دلێ ئەوەکۆشای و مڏرامانی و جە جەنگی ئازادیما بەردەوامێنمێ. جە ڕۆح و هەڵوێسو گەلەکەما هێز هورگێرمێنە. پی جۆرە زیاتەر بە هێزێ بیمێ".