دۆڵەتو تورکی ئەرەگیری بەردەواما جە هرووژمە دڕندانەکا سەرو بەنداو تشرینی، جە وەراوەرو جەنگاوەرا قەسەدەی بەوپەڕو مۆراڵ بەرزییۆ بە مڏرامانشا گرڏو هرووژمەکا ماڕانە.
جە ٨یوکانوونو یوەمیۆ دۆڵەتو تورکی ئەرەگیری بە هرووژمەکێش پەی سەرو بەندواو تشرینی تاوانەی جەنگی ئەنجام مرۆنە. جە وەراوەرەنە گەل و جەنگاوەرا بە پارێزناو بەنداوەکەیشا جە مڏرامانەنە هرووژمەکا ماڕانە.
جە مەڕەکا مڏرامانینە جەنگاوەرێما ئاماژەشا پانەیەدا سەرەڕاو قورسی بارودۆخەکەی مۆراڵ و ئەوەکۆشایشا فرە بەرزا.
ڕۆژهات ئامەد یۆن جە جەنگاوەرا مڏرامانەکا تشرینی جە ڕۆو یوەمی هرووژمەکاوە ئینا مڏرامانەنە و واتش: "مۆراڵو هەڤاڵاکاما فرە بەرزا، چنی مڏرامانەکاما بە واتەیۆ گۆرانی و هۆرپڕای گرڏو هرووژمەکا دووژمنی ماڕمێنە."
ڕۆژهات جە بەردەوامینە واتش: "ئێگە بییەن بە یاگێ ماڕاو دووژمنی، دەس دلێ دەسینە گەلەکەما ئینا مڏرامانەنە."
هەر دەربارەو مڏرامانەکا جەنگاوەرا عەفرینی حەمزە شیراز باسش چانەیە کەرد چنین ڕوێن ئینایمه مڏرامانو تشرینینە و واتش: "چنی گرڏو زەحمەتییەکاما مڏرامانما ئینا لەوپەڕو ئاست بەرزینە. حیچ کاتێ دەرفەت مەرەیمێ دووژمن و ملکەچو تەرسەکاشا مەبیمێ. بە بییەس گەلەکەیما مۆراڵما بەرز بۆوە. بەتایبەت مڏرامانما جە بەنداو تشرینی بییەن بە سەرچەمەو مۆراڵێوە بەرزی. چنی گەلەکەیمانمێ."
