جەنگاوەراو ئەڤین گۆییەو هەبەدەهەی، سەبارەت بە چالاکییەکاش ئەرەیاۋنێوەش وەڵا کەرڎۆ و ئی زانیاریەشە ئەرەیاۋنا: "جەنگاوەراما جە گەڕەکەو کاپتانپاشای بیئۆغڵوو ئەستەنبوڵینە، ٢ ترۆمبێلۍ ئا کەسا کە خزمەت بە ڕژێمو فاشیستی تورکی مکەرا شەوۍ ئێرشا وەردێنێنۍ. جە ئاکامو چالاکییەکەینە ترۊمبێلەکۍ بەتەمامی سۆتۍ.

هەرپاسە جەنگاوەراما جە گەڕەکەو مۆلاگورانی ناوچەو گەبزەو کۆجاعەلی کۆگێوە کارگێوە پلاستیکیشا ئێر ۋەردانەنە، جە ئاکامەنە کۆگاکە دلێنەشی."

جە ئەرەیاۋناکەنە ئامان: پېسە جەنگاوەرا شۆڕشی یۆگێرتەی ئەرەیاۋنمێش کە چی قۆناغێنە کە جە هەر کاتێ تەری زیاتەر جە سەرکۊتەی نزیکتەرێنمۍ، هەتا هەنگامەی جدییە نەگیریۆنە ۋەر هیچ گرنگی بە قسەکا دژمنی نمەڎەیمۍ و ئانەیچ ئامان: "ئا کەسۍ هرووژم مکەرا سەرو بەهاکاو گەلوو کوردی و چەمچنۆکانە چەمێشا ئینۍ سەرو ئەرەگیرکەردەو خاکەکەیماوە، جە ڕاو ئا چالاکیاوە کە جە خاکو ۋێشانە ئەنجامش مڎەیمۍ پەشیمانۍ مکەرمێوە."