جەنگێوە سەخت جە تشرینەنە ئینا ئارانە
دۆڵەتو تورکی ئەرەگیری هرووژمش کەرڎۆ سەرو بەنداوو تشرینی، کە ماوێوە فرەن هەوڵ مڎۆنە ئەرەگیرش بکەرۆ. دما بە دماو ۋەرپەرچدایۆ جەنگەوانا ئەنجومەنو سەروازی منبجی جەنگێوە سەخت ئاما ئاراوە.
دۆڵەتو تورکی ئەرەگیری و چەتەکێش جارێوەتەر بەنداوو تشرینیشا بۆمبواران کەرد. بەنداوەکە کە ناوەندێوە ستراتیجی بەرهەمئاوردەی کارەباو هەرێمەکەین، بە مەڵامەتو هرووژمەکاوە تەرسەو تەقایش هەنە.
دۆڵەتو تورکی ئەرەگیری و چەتەکێش هرووژمشا کەرڎ سەرو سەرنیشتو بەنداوەکەی. جەنگەوانا ئەنجومەنو سەروازی منبجیچ ۋەرپەرچشا دێوە. وچیۆ کە جەنگێوە سەخت ئینا ئارانە.
سەعات ١١:٢٠ دەیەقۍ بە کاتو هەرێمەکەی جە ڕاو فرۆکەی بێفرۆکەوانی و تۆپخانەکاوە دەوروبەرو بەنداوەکەی بە چڕی بۆمبواران کریا. تا مۍ مەترسیەکۍ تەقای بەنداوەکەی زیاتەرۍ با.
دۆڵەتو تورکی ئەرەگیری و چەتەکێش جە هەمان کاتەنە دەگایەکا مخلەت، ئوم ئەل بەرامیلی و حەمەیدەی سەر بە ناوچەو سلوکی گرێسپیچ بۆمبواران مکەرا.
جە دەگاو گرازیرۆ گرکێ لەگێ دۆڵەتو تورکی ئەرەگیری بە درۆنی هرووژمبەر ترۆمبێلێوەش بۆمبواران کەرد. هەڵای زانیاری ورد جە بارەو ئا هرووژمەیۆ ۋەردەس نییا.
دەگایەکۍ تەویلای و تل تەویلو ۋەرنیشتوو تل تەمریچ بۆمبواران کریۍ.
