جوۋانۍ کۊبانۍ دژوو گۊشەگیری دەسشا بە راپیمای درێژمەوڎای کەرڎ
جوۋانۍ جە هەرێمو فوراتینە دژوو گۊشەگیرکەرڎەو رابەرو گەلوو کورڎی عەبدوڵا ئۊجالانی دەسشا بە راپیمایۍ درێژمەوڎای کەرڎ کە بەدرێژایی ئارۊی وەردەوام بۊ.
جە دژوو گۊشەگیری سەرو رابەرو گەلوو کورڎی عەبدوڵا ئۊجالانی سەڎان جوۋانۍ هەرێمو فوراتی جە دەگاو هەلنجێی کۊبانێنە کۊبیېۋە.
جوۋانۍ بە ۋێنەکا عەبدوڵا ئۊجالانی و دروشمو وەفاڎاری و دڵسۊزی پۍ ئۊجالانی ڕوۋەشا کەرڎە دەگاو ئەلپەلورەی ۋەرنیشتوو کۊبانۍ.
دەگاو ئەلپەلورەی ئەۋەڵ یاگېوەبۍ کە رابەرو گەلوو کورڎی عەبدوڵا ئۊجالان جە وەختو پڕایۊیش پەی ۋەرنیشتوو کورڎسانی ئەوەڵجار لوۋابۍ پەی ئا دەگۍ.
وەڵۍ دەسپنەکەرڎەو ڕاپیما ١٢ کیلۊمەتریەکەی، پەی بەرزڕاگېرتەو یاڎو گەشمەرڎا جوۋانۍ دەیەقېوە بە بێدەنگی مرڎۍ. دماتەر ئەنڎامو جوۋانا شۊڕشگېڵ و هەرێمو فوراتی "حەسەن مستەفا" قسېش کەرڎە.
"حەسەن مستەفا" باسش چانەی کەرڎ کە جە ڕاو گۊشەگیریۊ حۊڵ مڎا ئیراڎەو گەلوو کورڎی ماڕا و ۋاتش، "بەڵام ئێمە پېسە گەنجا ڕاو ئەرەکۊشای و مدرامانیما گېرتەن وەر. تا ئازاڎیی سەرو هزر و ئەندێشەو رابەر ئاپۊی بیمۍ. جە سایەو فکرو ڕابەر ئاپۊیۊ ئێمە ئازاڎیی وېما ئشناسا، ڕاما ڕۊشنە بیۊ، ئازاڎیی ژەنۍ مسۊگەر بی، گەنجېما ئازاڎۍ بیۍ. وەرو ئانەیچ ئێمە گرڎ وەختېۋە جە مەیڎانەکانە بیمۍ و سەرو ڕاو ئازاڎیۊ بیمۍ".
دماو قسەکا ڕاپیماکەی دەسشپنەکەرڎ و جوۋانۍ ڕوۋەشا کەرڎە دەگاو ئەلپەلوری.
هـ . ش
