شێخ مورشید مەعشوق خەزنەوی چنی شاندێوە کۆنگرەو ئیسلامی دیموکراتی سەردای یانەو ئێزدییەکاش جە جزیرەنە کەرد و جە سەرداکەینە ئەرەیاوییا، ئاخێزوو سەرنیشتوو ۋەرکەوتوو سوریای متمانە و بڕاوا بەوۍ بیەیش جەدلۍ پێکئامایەکانە پەرە پنەدان.
شێخ مورشید مەعشوق خەزنەوی چنی هامسەرۆکوو کۆنگرەو گلیرکەو ئیسلامی دیموکراتیکی سەرنیشتوو ۋەرکەوتوو سوریای محەمەد مەلا رەشید خەرزان، ئەنداموو کۆنگرەی عەبدولکەریم سارۆخان، شێخی تەریقەتی قادری جە سوریانە محەمەد ئەلقادری سەردای یانەو ئێزدییەکا جزیرەی جە دەگاو قزڵ جۆخی سەر بە عامودێ کەرد.
ئەنداموو ئەنجومەنی ڕاوەبەری یانەو ئێزدیەکا و ریش چەرمەکی ئێزدییەکا پێشوازیشا جە شاندەکەی کەرد.
شێخ مورشید خەزنەوی جە سەرداکەیشەنە وتێوەش پێشکەش کەرد و واتش، "گلیرکەو ئێزدی ٧٤ کۆکوشیێش سەرەرە ئامێنی، بەڵام سەربارو ئانەیچە کۆڵشا نەڎان و ویشا نەڎان دەسۆ و سەرەشا وەرانوەرو حۆڵەکا جەدلی بەردەی و دمایی ئاردەی بە گلیرکەو ئێزدی نەنامنارە. گلیرکەو ئێزدی چا پلان و حۆڵا بەقوەتەرا و ئازایەتی و پەیوەس بییەی بە خاکەکەیشۆ سەلەمنان".
جەلایەوەتەرۆ ئەنداموو ڕاوەبەری یانەو ئێزدییەکا فاروق تۆزۆ خیرئامای شاندەکەیش کەرد و واتش، "دلوەشینمی پی سەردایتا، وەشەویسی شمە پێ ئایینی و پێکئاماکا جە دلۍ خەباتی سیاسینە ڕەنگش دانۆ هیواڎارێنمۍ ئاشتی و ئارامی جە تەماموو جەهانینە وەڵا بۆوە. کولتورو پیوەرە ژیوای، واڵەو-برایەتی و وەشەویسی جەدلی تەماموو پێکئاماکانە، ئایین و ئایینزاکانە وەڵابۊوە".
هام وەخت ئەنداموو ئەنجومەنی ئیلیاس سەیدۆ قسیش کەردۍ و واتش، "ئاخێزوو سەرنیشتوو ۋەرکەوتوو سوریای گردوو لەمپەر و وەربەسەکاش وەروو دەموو پێکئاماکانە و ئایینەکانە ماڵانەرە. حیچ جیاوازیەوە بەینوو ئایینەکانە بییەیش نیا و ئاخێز بڕوا و متمانەش بە پێکئاما و ئایینەکا بەخشان".
