پارتوو چەپی سەوزی دماو ورچنیەی ١٤و ئایاری مێرڎیننە بەجەماوەری لوۍ سەروو جادەی. پەرلەمانتاراو پارتوو چەپی سەوزی مێرڎیننە و هامسەرۊکەی گرڎینەوو پارتوو هەرێمە دیموکراتیکەکا (دەبەپە) ساڵیحە ئایدەنیزە نسێبیننە، بێریتان گونەش دێرک، گیورگ ئاسلان میدیادنە و کاموران تانهانیش قۊسەرنە چەنی خەڵکی کوۍ بیێوە و سەرۍ دوکانداراشا دا. ئایدەنیز و شاندی یاوەرش قۊسەرنە بەگەرمی خێرامایشا کریا.

ئایدەنیزە گۊشش پەی ڕەخنەو هاموەڵاتییا گێرت و واتش، "ئایا ئامادێنۍ ئا هەرمانۍ کە ئێمە ١٤و ئایارینە بەنیمەناچڵی ئاستەماوە، جە ٢٨وو ئایارینە تەمامنمێش؟". هاموەڵاتییۍ پەشتیوانیشا جە ئایدەنیزۍ کەرڎ و یۊشا واتش، "بە بارورگێریچ سەرمارە بلا ئێمە دەنگوو وێما مدەیمێوە. بەئاشکرا دەنگوو وێما مدەیمێوە".

وەختوو سەرڎای کاسبکارانە ئایدەنیزە و شاندی یاوەرش بە چەپڵەڕێزان و هەلهەلۍ خێرامایشا کرا.

س.ز