کۆبانێنە بە سەرمەشقایەتی مېیانو چاند و هونەری باقی خدۆی و تەڤگەرو هیلالی زێڕینی بە درووشمۊو "بە ڕوحو چاند و هونەری دیموکراتیکۆ ئازاڎی ڕابەر ئاپۆی مسۊگەر مەکەرمې" کۊنسێرتێوە سازکریا.
گەلاو سەرنیشت و ۋەرکۊتوو سووریای بە گرڎ جۆرە چالاکی و مڎرامانێوە ئینۍ ئەوەکۊشاینە پەی مسۆگەرکەردەی ئازادیی بەڎەنی ڕابەر ئاپۆی. بە سەرمەشقی و ئامادەبیەی ژەنا ئەرەنیشتۍ شارو کۆبانێ جە گرڎ ڕەگەز و ئاستەکانە پای ئا مەبەسیە بە سەرمەشقایەتی مېیانو چاند و هونەری باقی خدۆی و تەڤگەرو هیلالی زێڕینی بە درووشمۊو "بە ڕوحو چاند و هونەری دیموکراتیکۆ ئازادی ڕابەر ئاپۆی مسۆگەر مەکەرمۍ" کۆنسێرتێوەشا سازدا.
وەڵۍ کۆنسێرتەکەینە ئەندامو مېیانو چاند و هونەریی باقی خدۆی، فەرهاد عەلوش قسێش کەردۍ و ئاماژەش پانەی دا ڕابەر ئاپۆ بیەن بە هێز و ئیرادەو گرڎو گەلا جەهانی و پارادایمەکێش بیێنۍ بە دەرچەو ڕزگاری گەلا، پۊکەی پەنەوازا بە گرڎ جۆرێ خاوەنداریش چنەبکریۆ.
دماتەر ئەندامۊو کۆردیناسیۆنو کۆنگرە ستارو کانتۆنو فراتی، شەوین ئەحمەدە قسێش کەردۍ و سەرنجش وست سەرو پرۆسەو چارەسەریی کە ڕابەر ئاپۆ دەسشپنەکەردەن، ئاماژەش پانەیچ دا تا ئازادی بەڎەنی ڕابەر ئاپۆی پېسە ژەنا بەردەوامۍ با جە ئەوەکۊشای.
دماو قسەکا، دەربارەو ژیۋای ڕابەر ئاپۆی و بانگەوازییەکەیش بەڵگەفیلمېوە نمایش کریا، دماتەر چالاکییە هونەرییەکۍ بە ئامادەبیەی هونەرمەندا و ژەنیارا دەسشا پنەکەرڎ و ئانۍ چا حزورشا بۍ شاڎیی و هۊرپرایشا گێڵنا.
کۆنسێرتەکە بە درووشمەکاو "بێ سەرۆکی ژیۋای نمەبۆ"، "مڎرامان ژیۋاین" و "ژەنی، ژیۋای، ئازادی" دمایش ئاما.
