خزم و پارېزنەرەکۍ پەرلەمانتارو ئاکەپەی ئیبراهیم خەلیل یەڵدز جە ١٤و حوزەیرانو ٢٠١٨ینە جە مەنتیقەو پرسوسی رحای ھجومشا کەرڎ سەرو خانەواڎەو شەنیاشاری. جە ئاکامو ئا ھجومەینە ھامسەرو ئەمینە شەنیاشارۍ و دوۋۍ کوڕېش گەشمەرڎۍ بیۍ. پا مەڵامەتۊ ئەمینە شەنیاشارە و فەرید شەنیاشاری کوڕش جە ٩و ئادارو ٢٠٢١یۊ وەرو بەرەو داڎگاو رحاینە دەسشا بە چالاکی ئێشکگیریی داڎپەروەی کەرڎەن. کۊشیای داڎپەروەری خانەواڎەو شەنیاشاری ٧٨٧ ڕوۋېن وەردەواما.

ئەمینە شەنیاشارە و کوڕەکەش فەرید شەنیاشار پەرلەمانتارو پارتو چەپی سەوزی جە یانەو ۋېشا جە پرسوس لوۋۍ وەردەمو داڎگاو روحای و دەسشا بە ئیشکگیری داڎپەروەری کەرڎ.

فەرید شەنیاشار جە چالاکیەکەنە ۋاتش، " ۋڵاتەکەما ئینا ئاژېوە قورسەنە. سوپاسو گرڎ کەسۍ کەرو کە پەشتگیریشا جە ئێمە کەرڎ و مکەرا. من ئەرەکۊشای داڎپەروەری فاڕووە پۍ ئەنقەرەی و ئەڎایچم وەر بەرەو داڎگاو روحاینە وەردەوامی بە چالاکیەکەی مڎۊ. پەرلەمانەنە ئاماڎە بوو بوو بە دەنگو گرڎ زوڵم ۋنە کریېوە. جە ئەنقەرە جە وەران ۋەرو ئا کەسانە کە گۊش جە داڎپەروەری مەگېرا، هاوارو داڎپەروەری مکەرو."

ھ . ش