پژاک جە حەوتەم ساڵیاڎوو گەشمەرڎەبییەی "کەمال ساڎەق قاڎر"ی و"ئۊسا سدێق ساڵیاوایی"نە، یاڎ و ویرەوەریی ئا دووە کۊشەراو ڕاو ئازاڎی و دیموکراسیشە بەرز و مەبارەک ئرمانا و واتش: "'خاستەرین ڕێزگێرتەی جه گەشمەرڎا، درێژه‌داین به ڕێبازه‌كه‌یشا".
کۊمیتەو خەباتوو گەشمەرڎاو پارتوو ژیوای ئازاڎوو کورڎسانی (پژاک)، جە ئەرەیاوناێنە بۊنەو لوای ٧ ساڵا سەروو گەشمەرڎەبییەی "کەمال ساڎەق قاڎر"ی و "ئۊسا سدێق ساڵیاوایی"نە، ئەرەیاونانش: " جگە شه‌رمه‌زاركەرڎەی ڕژێمی فاشیست و ئەرەگیروو ئێرانی و چه‌ته و جاش و چڵكاووەرەکاش، ئەرەیاونمیش كه گه‌لوو كوردی و جمیەری ئاپۊیی، پێسە ئانەی كه گەشمەرڎە كه‌ماڵ و گەشمەرڎای تەروو گه‌له‌كه‌یما سه‌لەمنانشا، حیچ وەختۍ جە خه‌بات و نیازوو ئازاڎیی پەشیمانۍ مەباوە و ڕۊبه‌ڕۊ درێژە بە وێگیری و گەرموگوڕتەركەرڎەی كۊشیای مڎا".
دەقوو ئەرەیاوناکەی پێسنەن:
به درێژایی تاریخی نه‌یاراو گه‌لی و دوژمنۍ وڵاته‌كه‌یما، به‌تایبه‌ت ڕژێمی فاشیست و سه‌ره‌ڕۊ و زاڵوو سه‌روو ئێرانی، به تندتەرین و قیزه‌ونتەرین نۊع په‌لامارەو شۊڕشگێڵناو و سەرمەشقاو كۊشیایا ئازاڎییشا دێنە. گەشمەرڎە كه‌ماڵ یۊ چا شۊڕشگێڵنە سەرمەشق و كۊڵنه‌ده‌راو گه‌له‌كه‌یما بۍ، كه ساڵەو ٢٠١٦ كه‌وت وەروو قینەو ئەرەگیراو کورڎسانی و چڵکاووەرەکا. جه حه‌وته‌مین ساڵئاماو گەشمەرڎەبییەی هامڕا "كه‌مال ساڎەق قاڎر" و كۊشیا و وەڵاتپارێزنوو كوردی "ئۊسا سدێق ساڵیاوایی" یاڎ و ویره‌وه‌ری ئی دووە گەشمەرڎا و گرڎوو گیانبه‌ختكەرڎاو ڕاو ئازاڎی و دیمۊكراسی به‌رز و مەبارەک مرمانمۍ.
هامڕا كه‌ماڵ، ساڵەو ١٩٦٦ جه بنەیانێوە ڕه‌نجده‌ر و وەڵاتپارێزنوو پێنجوێنێنە پەیڎا بییەن، حه‌ر جە ئەوەڵوو جەوانییشۊ هه‌ستش به زوڵموزۊروو ئەرەگیرا و دۊخی ناله‌باروو گلێرگەی كەرڎەن. به كه‌سایه‌تی و ڕۊحی پاك و بێگه‌ردیشۊ ئا دۊخه‌شە په‌سەند نه‌كەرڎەن و پەی سه‌ربه‌سی و سه‌رەبه‌رزیی خاكی و خه‌ڵكی، ڕای سه‌ختە و پەڕجه شانازییەو وێگیری و خه‌باتیش ورچنیەن. پێسە بی بە داراو هه‌ڵوێسی، هه‌ڵوێسێوە كه تا دمایین هه‌ناسه به سه‌رەبه‌رزیوه پاش سەرۊ گێرتەرە.
گەشمەرڎە كه‌ماڵ داراو ئەنەیاوایۍ و وانایۊیۍ قووڵی بۍ، سەبارەت بە ڕێخەوڕیشه‌و قۊرتا و كۊسپه‌كاو گلێرگەی و گه‌له‌كەیما. ئاد باوڕش چانە بۍ، كه پەی یاوای به ئازاڎی و ئارامی، پێویسا جه حه‌ر هه‌لومه‌رجێوەنە ئاستوو خه‌باتی و وێگێری به‌رز کریۊوە. پەوکای وێچش جە هەرمانەنە بی به هێما و نموونه‌ی هەقەتینوو مدرامانی و كۊشیای، جه کەش و شارنە و زینداننە. هامڕا كه‌ماڵ جگە برینداری، ئه‌شكه‌نجه، زیندانیكەرڎەی، هه‌ڕه‌شۍ و گوڕه‌شۍ ئەرەگیرا و نۊكه‌راشا، نه ته‌نیا دڵسەرد و لاواز نه‌بی، به‌ڵكوم حه‌رجاره به قەرار و باو‌ڕ، به تین و تاو و تەوانایۍ زیاڎتەرۊ سه‌روو ڕێبازه‌كەیشۊ پا گێرێرە.
هامڕا كه‌ماڵ به‌ته‌مامەتی عاشقوو ئازاڎی و دیموكراسی بی، به‌خاسی جه ڕه‌مزوو سه‌ركەو‌تەی گه‌لوو كوردی و ماناو "یۊبییەی و یه‌كڕیزی" یاوابێنە. گرڎوەخت خه‌موەر و یارڎەیدەروو خه‌باتی ڕزگاریوازانه‌و گه‌له‌كەیما جه پارچه‌كای تەروو كورڎسانینە بۍ. به‌تایبه‌تی دماو ئانەی كه جمیەری ئاپۊییش ئشناسا، به حه‌وڵۍ و قوێوە كه‌موێنه‌وه پەی هامخه‌باتی و یه‌كڕیزیی دلۍ یانەو كوردی كۊشییا. گرڎوو ئا حدوودە ده‌سكرڎا كه ئەرەگیراو كورڎسانی سه‌روو گه‌لی و وڵاته‌كه‌یمارە سه‌پنێبێنێشا، جه هزر و ویروو وێشنە سڕیێوە و کەردێش بە هەرمانە، جە سەرنیشتۊ تا وەرنیشت و وەرکەوت ئانە كه پێویس بۍ و تواناشنە بۍ، پەی وەڵێوستەی جمیەروو ئازاڎیوازیی گه‌لوو كوردی کەردش. هامڕا "كه‌ماڵ ساڎەق قاڎر" به ڕه‌وشت، ژیوای و خه‌باتوو وێش نموونەش نەبۍ، بی به وەشەویسوو گرڎوو چینەکاو گلێرگەی به‌تایبه‌ت گه‌نجۍ و ئازاڎیوازۍ. ئینسانۍ ئازاڎ و وێگەرەکنەبییە بۍ، كه به هه‌ڵوێس و ورسونیشتوو وێش، بی به مامۊسا و ڕاویارێوە هەقەتینوو ڕاو ڕزگاری و وەرگێریی چەوسنایۊ و ئەرەگیری.
بێگومان بارودۊخێوە چانەنە كه گه‌له‌كه‌ما و جمیەری ئازاڎیوازی، جە گرڎ وەختێنە زیاڎتەر نزیكوو ئازاڎی بییەنۊ و هاموەخت هجووم و پەلامارەو ئەرەگیرایچ، گرڎ شۊنێوە كورڎسانینە پەرەش سانان، پێویسا پا زانابییەیە و ئیراده و وەشەویسی و باو‌ڕیوە كه گەشمەرڎە كه‌ماڵ به بنه‌ماش گێرت، جە گرڎ شۊنێوەنە ئاستوو وێگێری و خه‌باتی به‌رز کەرمێوە. خاستەرین ڕێزگێرتەی و ویرئارڎەیۊ گەشمەرڎا، درێژه‌داین به ڕێباز و كۊشیاکەیشا.
جارێوە تەر جگە جە شه‌رمه‌زاركەرڎەی ڕژێمی فاشیست و ئەرەگیروو ئێرانی و چه‌ته و جاش و چڵكاووەرەکاش، ئەرەیاونمێش كه گه‌لوو كوردی و جمیەری ئاپۊیی، پێسە ئانەی كه گەشمەرڎە كه‌ماڵ و گەشمەرڎای تەرۍ گه‌له‌كه‌یما سەلەمنانشا، حیچ وەختۍ جە خه‌باتی و هەنگامەو ئازاڎی پەشیمانۍ مەباوە و ڕۊبه‌ڕۊ درێژە به وێگێری و گەرموگوڕتەركەرڎەی كۊشیای مڎا. حەرگەشمەرڎێوە، قووە و سەبەبێوە تەرا پەی درێژەدای بە شۊڕشی. چی ئاخیرۊ جارێوە تەر یاڎ و ویره‌وه‌ریی گەشمەرڎا "كه‌ماڵ ساڎەق قاڎر" و "ئۊسا سدێق ساڵیاوایی" و گرڎوو گەشمەرڎا ڕاو ئازاڎی و دیموكراسی به‌رز و مەبارەک مرمانمۍ، وەعد و قەسەم بە گەشمەرڎا مڎەیمۍ، کە تا یاوای به ئاوات و ئامانجه‌كاشا، كه هه‌مان بنیاڎنیای گلێرگێوە ئازاڎی و دیمۊكراتیكین، درێژه به خه‌بات و وێگێری مڎەیمۍ.
س.ز
