خەڵکوو وانی تا ئیساتۍ جە گرڎوو ورچنیایەکانە ئاکەپەشا ماڕان و چەمەڕوانۍ بەرڎەیۊ ورچنیەی ١٤و ئایاری و شکسوو ئاکەپەینۍ.

'ئینە دماین ورچنیەی ئاکەپەی بۊ'

 خەڵکوو وانی بارەو ورچنیەیۊ بە ئاژانسوو هەواڵوو فوراتی (ANF)یشا ئەرەیاونا، ئینە دماین ورچنیەی ئاکەپە بۊ. "خانۍ ئاککۊش"ە هاموەڵاتییەو شاروو وانی واتش، چندین ساڵێن دەنگ بە هەدەپەی مدۊ و واتیچش، "ئی جارە دەنگ بە پارتوو سەوزی چەپی مدەیمۍ. ئینە دماین ورچنیەین، کە ئێمە وەراوەروو ئاکەپەیۊ بەشدارییش چەنە کەرمۍ. پارتەکەما سەرکەوتە بۊ. خەڵکوو وانی دما دەرس سەروو سندوقەکاو دەنگدانیوە مدا بە ئاکەپەی و ئێمە ئینایمۍ چا بڕوێنە حەر ٨ کورسییەکەو وانی بەرمێوە".

'ئێمە جە گرڎوو کوردسانینە شکسشا پەنە مارمێ'

حەرپاسە "ئەتیلا کوملی"یە هاموەڵاتیێوە تەرەو وان-ینە ئەرەیاوناش، جە ١٤و ئایارینە گرڎوو کوردسانی جە فاشیزموو ئاکەپە - مەهەپەی پاک کەرمێوە. ئێمە لاپەڕێوە تازە چەنی پارتوو چەپی سەوزی پەی دماتەرۍ ئازای و دیموکراتیکی کەرمێوە. پارتوو چەپوو سەوزی سەرکەوتەی گەورە بەدەس مارۊ، ئێمە پێسە گەلی ئینایمۍ چەنی پارتوو چەپی سەوزی، سەرکەوتۍ بیمۍ و خەبات و کۊشیای سەر گنۊ".

'ئێمە گرڎما خەباتکارۍ حیزبینمێ'

هاموەڵاتیێوە تەر بە نامۍ "شەرەف تەیمور"ی ئەرەیاوناش، جە ورچنیایەکاو ١٤و ئایارینە پەی دماجاری شکس بە فاشیزموو ئاکەپەی و مەهەپەی مارمۍ و حەر ٨ پاڵێویێکێما جە واننە پەی پەرلەمانی سەرۍ گنا و واتش، "ئێمە ئاکەپەی کەرمۍ بە پارتوو سەروو کاغەزی. گەلەکەما چەنەشا بێزارا. ئی جارە گەلەکەما فرە بە پاگیرەوە سوورا سەروو ماڕای و دماییئارڎەی پی سیستەمە فاشیستییەیە. حەر دەنگدەرێوە هەدەپەیچ خەباتکارێوەن. ئێمە تەنیا دەنگ مەدەیمۍ، بەڵکوم کۊمەڵێوە و جەماوەرێوەنمۍ کە چالاکانە هەڵمەتەو ورچنیەی بەرمۍ ڕاوە. جە ١٤و ئایاریچنە ئەنجامەکا ویندۍ."

س.ز