خەڵک و وان-ی پاڵپشتی جە پارتو چەپی سەوزی مکەرا
چڕیە ی هەڵمەتەو ھورچنیەو پارتو چەپی سەوزی بە جۊش و خرۊشۊ وەردەواما. چا چوارچێوەنە بنکەو چڕیەی ھورچنیەی جە مەنتیقەکا "پایزئاوا، شاخ و میکس"ی کریێۋە و سەرداو دوکانداراشا کەرڎ.
بە تامەزرۊیېۋە فرۊ جە لایەنو گەلیۋە جە وان پێشوازی جە کاندیدەکا پارتو چەپی سەوزی پۍ پەرلەمانی و شانڎەکا تەژەئای، هەدەپەی و دەبەپەی کریۊ.
پایزئاوا
جە مەنتیقەو پایزئاوای شارو وانی، کاندیدەکۍ پارتو چەپی سەوزی "گوڵجانە کاچماز سایگێت، مەحمود دیندار و هامسەرۊکو دەبەپەی وانەنە هارون ئۊکای، ڕاۋەبەرا هەدەپەی جە شارەکەنە و مەنتیقەکەنە سەرداو دوکاندارەکاشا کەرڎ. شانڎەکە گۊششا جە کێشەو معاناتەکا دوکاندارا گېرت و ھورسەنگنایشا پۍ چارەسەری قەیرانی ئابووری کەرڎ. دماتەر پارتو چەپی سەوزی میانگەی شارەکەنە چنی خەڵکی قسېش کەرڎۍ.
میکس
پارتو چەپی سەوزی جە مەنتیقەو میکس-ینە بنکېۋە چڕیەی ھورچنیەیش کەرڎۊ. کاندیدەکۍ پەرلەمانو پارتو چەپی سەوزی "گولدەرەن ڤارلی، سینان چیفت یۊرەک، چالاکا تەژەئای، هامسەرۊکو پارتو چەپی سەوزی جە وان وەیسی دیلەکچی و ڕاۋەبەرا شاری و مەنتیقەکەی بەشڎاریشا جە کەرڎەیۊ بنکېۋە چڕیەی ھورچنیاینە کەرڎ. دماتەر سەرداو دوکاندارەکاشا کەرڎ و گۊششا جە کێشەو معاناتەکا دوکاندارا گېرت و پەی لوای ۋێشا سەرو چارەسەرکەرڎەو کێشەکا باس کەرڎ.
شاخ
کاندیدەکۍ پەرلەمانو پارتو چەپی سەوزی "هاڤین کییە، تایلان ئەرتاش، هامسەرۊکو هەدەپەی وان فیکریت دۊغان، هامسەرۊکو گۊرە شارو وانی مستەفا ئاڤجی، هامسەرۊکو تویاد – دەری ئەدیبە بابور، ڕاۋەبەرا شارەکەی و مەنتیقەکا سەرداو دوکاندارەکاشا کەرڎ.
ھ. ش
