خەڵکو مەخموری وەردەمو زرێپۊشەکانە مرڎېنۍ
جە وەران ۋەرو حۊلەکا سەرسەعبو ئارۊو سوپاو عێراقی، کە نیازشابۍ بە ترۊمبېلی زرێپۊش و تەلی دڕەین کامپو پەناھەنڎا مەخموری گەمارۊ بڎا، خەڵک وەرەن ڕوەشانە مرڎۍ و سوپاو عێراقیشا مرڎنا.
سوپاو عێراقی سەرسەعبو ئارۊی حۊلشدا بە دەیان ترۊمبېلۍ زرێپۊشۍ و چەک و پۊلیس و هێزی تایبەت و تەلی دڕەیین کەمپو پەناھەنڎا گەشمەرڎە ڕوستەم جودی (مەخمور)ی جە چن لایېوە گەمارۊ بڎۊ.
خەڵکو مەخموری وەران ۋەرو ئا حۊلە چەپەڵەینە مرڎېوە و لوۋۍ وەردەم و ترۊمبېلە زرێپۊشەکا و مڕڎنېشا. بەپاو زانیارییەکا، لانیکەم سوپاو عێراقی گەرەکشا جە پەنج یاگېوە بلۊنە دلۍ کامپو مەخموری و دەس بە نیایرە و چەقناو تەلە دڕەینەکەی کەرۊ.
خەڵکو مەخموری ڕاشا ۋنەگېرتۍ و جە وەران ۋەرشانە وەرگیری کەرا.
جە لایۍ تەرۊ، شانڎېوە جە وەرپەرسا مەخموری چنی وەرپەرسا عێراقی ئینۍ گلېرۊبیەینە.
ھ . ش
