ئارۊ سەعات ٠٧:٠٠ ورچنییەی ئەنجوومەنوو پارێزگاکاو عێراقی دەسش پەنە کەرد. خەڵکوو شەنگالی جە بەیانیوە پەی ورچنییەی نوێنەرەکاشا پەی ئەنجوومەنوو پارێزگاو نەینەوای ملا سەروو سندوقەکاو دەنگدای.

هەرپاسە ئەرەمەرزیایەکاو شەنگالی، ڕاوەبەروو ئەرەمەرزیایەکا و ڕێکوزیایەکاو وێڕاوەبەری، گرووپ گرووپ ملا سەروو سندوقەکاو دەنگدای.

بەپاو زانیارییەکا، شەنگالییەکۍ متاوا ٨١ ناوەندە جیاوازانە دەنگ بدا. ١٢٣ هەزارۍ و ٢٩٠ کەسۍ جە ئەرەنیشتاو شەنگاڵی مافوو دەنگدایشا هەن. هەیە. بەشێوەشا چا کۊچبەرە ئێزیدییانۍ دلۍ کەمپەکاو هەرێمی کوردستانینە.

جە ١٦ کانوونوو یوەمینە سوپا، پۊلیس و کۊچبەرۍ ورچنییەی تایبەتنە لوۍ سەروو سندوقەکاو دەنگدای. بەپاو زانیارییە نافەرمییەکا، ڕێژەو ئا ئێزدییا، کە لوێنۍ سەروو سندوقەکاو دەنگدای جە کەمپەکاو هەرێموو کوردستانینە ٢٣% کەم کەردەن، بە پاو ئەنجامە فەرمییەکاو کۊمسیۊنوو باڵاو ورچنییەیەکاو عێراقی، ڕێژەو بەشداریکەردەکەی پارێزگاو موسڵینە ٧٥٪ بییەن.

تا ئیساتۍ ورچنییەی شەنگاڵنە بەئارامی ملۊ ڕاوە و گەل بە جۊشوخرۊشۊ ملا سەروو سندوقەکاو دەنگدای. هەرپاسە  فرەو خەڵکی مەجلیسوو گەلوو شەنگاڵینە کوۍ بیێنێوە و بە کۊمەڵ ملا سەروو سندوقەکاو دەنگدای.

بەتایبەت تلعوزێرنە و بڕۍ  هەرێمای تەرنە سوپاو عێراقی ڕا مەدۊ پەیامکیانۍ ڕسمۍ گێرا و شۊنەو ورچنییەکەی گنا.

ئیدارەو وێڕاوەبەری و پادۍ بە ٤ کاندیدۍ لیستوو هامپەیمانیی ١٣٤ "یۊبییەی گەلوو نەینەوا"ینە بەشداریی ورچنییەکەی کەرا و یوەم کاندیدی دەسنیشانکریاشا قاسم کەشکۊن زۊراواو شەنگاڵینە.