پارتوو چەپی سەوزی جە چوارچوەو ورچنیەیەکانە بەدلیس و مەنتێقەکانە دەسش بە بە کۊبییەییۊ چەنی خەڵکی کەرد. "چیدەم کلچگۊن ئوچار"ە، هامقسەکەرەو پارتوو چەپی سەوزی بە بەشڎاریی "کەسکین بایندر"ی و هامسەرۊکوو پارتوو هەرێمەکاو دیموکراتی (دەبەپە)ی و پەرلەمانتارا، دماو نۊرشینوو بەدلیسی و ناوەندوو بەدلیسی، لوۍ مەنتیقەو خیزانی.

گەل پەشتگیریی وێش پەی شاندوو پارتوو چەپی سەوزی نیشانە دا. دماتەر وەرپەرساو پارتەکەی لوۍ مەنتێقەو خیزانی.

"سەزائی تەمەللی" کاندید جە پارتوو چەپی سەوزی سڵامش وەنەو گەلی کەرد و واتش، " ئی دەسەڵاتە زاڵمە ئاشتیی کۊمەڵایەتی دلینە بەرۊ و دلۍ خەڵکینە قینی و دوژمنایەتی وەش کەرۊ. ئیسەیچ وەختوو ئانەی ئامان نەجاتما بۊ چەنەش."

"کەسکین باندر" هامسەرۊکی گرڎینوو دەبەپەیچ ئەرەیاوناش، کە ئامانجشا ئانەن دەسەلاتی دلێنە بەرا و واتش، " گەلەکەما حەرچییشگەرەک بۊ کەرۊش. بە سیاسەتی تایبەت گەرەکشانە گەنجەکاما سەروو خاکەکەیشاوە بەر پڕنا. ڕوۍ چێوەڵتەر گەنجێوە وێش کوشت، بانگەوازم جە گەنجا ئانەن، کە ئا قێزەونییە وینا و هاگاڎارۍ پارتەکەیشا با."

ئینجا "چیدەم کلچگون ئوچار"ە، هامقسەکەرەو پارتوو چەپی سەوزیچ واتش، " بەدلیس پەی ئێمە و پەی تاریخیچما شارێوە فرە گرنگا. بەدلیس پێسەن بەرەو کوردسانی. هومێدەوارنا بەدلیس بۊ بە بەرەو کەوتەی ئاکەپەی. کۊشیای شۊڕشگێڵنیی گەلوو کورڎی چەنی گرڎوو فشارەکا دەسش جە ئشناسنامە ی و ئیراڎەکەیش ورنەگێرت. ئی ورچنیەیە ئینا بەینوو کەسە جەنگوازەکا و کورڎە بەشەرەفەکانە. ئی ورچنیەیە ئینا بەینوو ئێمە و ئا کەسانە، کە گۊشەگیری سەپنا."

دماتر نویسگەو ورچنیەی کریاوە.

س.ز