کۆنگرەو گلێرگەی دیموکراتیکی کوردەسانیا جە ئۆروپا (کەجەدەکە_ئە) بە ئەرەیاۋنێوە نویسیا، هرووژمکەردەی سەرو ئا گەلەی پەی پارێزنای بەنداوو تشرینی کۊتێبێنۍ ڕا، شەرمەزار کەرد و داواش جە گەلوو ئۊروپای کەرد مجېیارە مېڎانەکا.

کەجەدەکە_ئە واتش: "دۆڵەتوو ئەرەگیرو تورکی بەردەواما جە کۆمکوژی و هرووژمو قڕکەردەی. داوا جە گەلوو ئۆروپایما مکەرمۍ بە هەستیاری مامەڵە بکەرا و جە گرڎ شۆنێنە کۆمکوژییەکا دۆڵەتو تورکی پەی سەرو کوردا شەرمەزار بکەرا.

گەلوو ۋەرنیشتی بە پاگیریوە بەردەواما جە مڎرامانی. هەزاران کەسۍ مەدەنیۍ کە پەی بەهێزکەردەی مڎرامانی بە کارەوانێوە بەرەو تشرین کۊتۍ ڕا، ڕووبەڕوو هرووژمو دۆڵەتو ئەرەگیرو تورکی بیێوە. دۆڵەتو ئەرەگیرو تورکی کە گەرەکش بۍ مڎرامانی ماڕۆ، ئا کارەوانەشە بۆمبواران کەرد کە بەرەو تشرین لووۍ.

جە ئا کاموو ئی بۆمبوارانکەردەینە کە ڕاسەوخۆ خەڵکی مەدەنیش کەرڎ ئامانج، باس جە بیەو گەشمەرڎا و زامڎارا مکریۆ. داوا جە گەلەکەیما مکەرمۍ دژو هرووژمەکەی هەستیارۍ با و بە تنی شەرمەزارش بکەرا".