کۊنگرەو گلێرگەی دێموکراتیکوو کوردستانی ئەورووپانە (کەجەدەکە-ئە) بە بۊنەو ساڵڕۊو کۊکوشیی پاریسیوە بەیاننامێوەش وەڵا کەرڎۊ.

 کەجەدەکە-ئە، حەریۊ جە ئەڤین گۊییۍ و عەبدوڕەحمان کزڵی و میر پەروەریش یادۍ وستێوە، کە ٢٣ۍ کانوونوو یوەموو ٢٠٢٢ پاریسنە تیرۊرۍ کریێ..

دەوڵەتی فاشیستوو تورکی وەرپەرسوو کۊکوشییەکەین

کەجەدەکە- ئە، سەرنجەش وستە سەروو دووە کۊکوشییەکەو پاریسی و واتش: " وەروو ئانەیە کۊکوشییەکەو پاریسی ٩ کانوونوو دووەمی، ١٠ ساڵۍ چێوەڵتەر، ڕۊشن نەکریاوە، دووەم کۊکوشی پاریسنە  ٢٣ کانوونوو یوەموو ٢٠٢٢ ڕووەش دا، هەردووە کۊکوشییەکۍ لاو دەوڵەتی فاشیستوو تورکیوە کریێ، کە هێزە شاریاوەکاو ئەڵمانیای و فەڕەنسای هاگادارۍ بێنێ، ئەگەر ئی تۊڕە بکوشۍ و تۊڕە هەواڵگێریۍ و یەکەکاو هەواڵگێریی وەڵاتاو ئەورووپای ئی تەرشێشا وەرەچەم گێرتێ، ڕەنگای کۊکوشیی پاریسی، ٩ کانوونوو دووەموو ٢٠١٣ ڕووەش نەدۍ نەدایە و هامڕایێما ساکینە جانسزە، لەیلا شایلامازە و فیدان دۊغان ڕووبەڕووۍ ئی کۊکوشییە دڕندانەیە نەبیێنێوە، ئەگەر تاوانباراو وەرپەرساو کۊکوشییەکەو پاریسی ٩ کانوونوو دووەموو ٢٠١٣ ئاشکرۍ کریێنێ، دووەم کۊکوشیی پاریسنە ٢٣ی کانوونوو یوەموو ٢٠٢٢ ڕووە نەدێ، هەردووە کۊکوشییەکۍ  تۊڕە بکوشەکاو تورکیای بە ئاگاداری هێزە شاریاوەکاو ئەڵمانیای و فەڕەنسای کەرڎێنێ. هێزە شاریاوەکاو دەوڵەتوو فەڕەنسای مزانا، کە کورد پەی بەرژەوەندیی سیاسی و ئابووری بییەن بە قوربانی. پاریس و گەلوو کوردی دووە کۊکوشیەکۍ کە بۊنەو غەڵەتوو "نهێنیی دەوڵەت"یــــوە چەمپۊشیی دۊسیەکاشانە کریا و داڎپەروەری ناما دی، دووەم کۊکوشیی پاریسی تاقیکەرڎەیەوێوە شەرمەزارانە بێ، کە ئەورووپا و دەوڵەتوو فەڕەنسای دلۍ دیموکراسی و داڎپەروەریینە شکسشا ئارد."

 داواو بەشڎاریکەرڎەی جە ڕاپیمایی شەرمەزارکەرڎەیی کۊکوشییەکا کریا

کەجەدەکە داواش وەنەو کوردستانییاو ئەورووپای و دۊسەکاشا کەرڎە، کە بەشڎاریی ڕاپیمای و چالاکییەکاو شەرمەزارکەرڎەی کۊکوشییەکا کەرا.  

کەجەکە-ئە، پێسە دماییش بە قسەکاش ئارد:"ئینسانیەت، تارێخ و گەلوو کوردیچا کۊکوشییە چەپەڵا وەشۍ مەبا، ئانۍ ئی کرڎەوێشا کەرڎێ، ئانۍ بێدەنگۍ بیێ، ئانۍ ڕاسییەکەشا دی و دەنگشا نەکەرد چەنەشا وەشۍ مەبیمێ. ویژدانوو ئینسانیەتی و داڎپەروەری سەر گنۊ و کۊشیای گەلوو کوردی پەی ئازاڎی، پێسە پەنەوازی پەی ئشناسای تاوانبارە سەرەکییا دماییش مێ. ئێمە پێسە کەجەدەکە-ئەی جە ساڵڕۊو کۊکوشییەکەینە ڕاپیمایێوە شەرمەزاریی گەورە  ٢٣ کانوونوو یوەمینە پاریسنە، ئەورووپانە، ئوسترالیانە و کەنەدانە بە سەرمەشقایەتیی (جمیەروو ژەنە کورڎاو ئەورووپا)ی کەرمێ.پەنەوازا تا کۊکوشییەکۍ شەرمەزارۍ کریا و بە ئیرادەوە هەڵوێست نیشانە دەیمۍ تا داڎپەروەری بەدەس مێ.  گرد لێوە خوڵکەو بەشڎاریی وێنیشانەدایەکا و چالاکییەکا کەرمێ. ئێمە بەرڎەوام تا داڎپەروەری سەر گنۊ بەرڎەوامێنمۍ جە چالاکییەکاما."