کۊمیتەو گەلی و ئایینەکاو کەجەکەی پەینەو جەژنەو ڕەمەزانیوە ئەرەیاوناێش وەڵا کەرڎۊ و داواش جە موسڵمانا کەرڎە جە دژوو فاشیستەکا، دەسەڵاتپەرسەکا، دوژمناو گلێرگەی، بازرگاناو ئایینی و مەزهەبپەرسەکا تێکۊشیای هامبەش بەرا ڕاوە.

پەیاموو کۊمیتەو گەلی و ئایین و باوەڕییەکاو کەجەکەی پەی جەژنەو ڕەمەزانی: "جیهانوو ئیسلامی و گلێرگە مسوڵمانەکۍ ئێساڵ دلۍ تەنگوچەڵەمەی و دژواریی فرەینە، ڕۊچۍ ڕەمەزانیشا تەمامنا. هومێڎەوارێنمی جەژنەو ڕەمەزانوو ٢٠٢٣ پەی گرڎوو گەلا پەی بە مایۍ داڎپەروەری، ئازاڎی و یەکسانی؛ بەینوو گەلا و ئایینەکانە بۊ بە مایۍ برایەتی، ئاشتی و یۊبییەی، ئەرەمەرزنای ژیواێوە دیموکراتیکی. مەبارەکبایی جە موسڵماناو کورڎسانی و جەموو موسڵماناو دنیۍ کەرمۍ،بۊنەو جەژنەو پیرۊزەو ڕەمەزانیوە، کە بە پەرستشوو وێشا داواو ماف، داڎپەروەری، خاسەی و ڕاسی پەی تەماموو ئینسانیەتی کەرا.

جە بارودۊخوو بوومەلەرزەینە خێرامایش کەرمێ

پێسە گەلوو کورڎسانی قۊناغێوە دژوارنە خێرامای جە جەژنۍ کەرمی. بوومەلەرزە جە کارەساتێوە سروشتیوە لاو دەسەڵاتداری ئاکەپە-مەهەپەیۊ فاڕیا پەی کەرەسێوە کۊکوشی. وەروو ئانەی ڕاوشۊنی پێویس نەگیرارە وەر پەی گەلەکەیما بی بە کارەساتێوە گەورە. حوکمەت باجی کۊکریاوەو بوومەلەرزەکەیش پەی ئامانجە چەپەڵەکاش بەکار ئارد، جەنگوو دژوو ئینسانیەتینە کورڎساننە خەرجش کەرد؛ پێشکەشوو گرڎوو دزەکا، بکوشەکا، دەسترێژیکەرا و بازرگاناو ماددەی هۊشبەرییش کەرد، کە دەورشنە کوۍ بیێنێوە. دماتەر ئەرەیاوناش 'چارەنویسا' و داواو گەرڎەنئازاڎییش کەرڎە. وەروو ئانەی قۊمیایە سروشتییەکۍ نەبا بە کارەسات متاویۊ ڕاوشۊنی تایبەت گێریۊرە وەر، گیریۊیچرە وەر. بەداخۊ حوکمەتوو ئاکەپە-مەهەپەی فاشیستی، کە ئایینەکەیما بەکار مارۊ، ڕاوشۊنش  نەگێرتەرە وەر و بی بایسوو ئانەی زیاڎتەر جە ١٠٠ هەزار کەساو ئێمە مرا، کە ئانە چارەنویس و قەدەر نییا، ئانە کۊکوشین کە بەمەبەس کریان. گەلەکەما چەنەپەرسایۊ جە بکوشاو گەلا و بازرگاناو ئایینی کەرۊ. گەلەکەما جە یاگە بوومەلەرزەوەنەدریایەکانە زەخمەکاو یۊترینی ساڕێژ کەرا. گەلوو کورڎی و هێزە دیموکراتیکەکۍ وەختوو جەژنێچنە زەخمۍ گەلە وەنەقۊمیاکەیما ساڕێژۍ کەرا، زیاڎتەر با بایسوو ساڕێژوو  زەخما.

ورچنیەی فرسەتێوە گەورەن

وەڵینە پەی گەلوو کورڎی، بپەی گرڎوو گەلا، ئایینەکا، ژەنا و گەنجا جە تورکیانە فرسەتێوە گەورە ڕەخسیان. بەتایبەتی پەی گەلوو کورڎی کە هجوموو جینۊسایدی و کۊکوشییش کریۊ سەر، بە ورچنیەی ئی وەهاری قۊناغێوە پەڕ جە قۊمیای گەورەی مۍ ئاراوە. پەی ئانەی ئینە ڕووە بڎۊ، پەی ئانەی ئیسفادە بە کورڎا، عەلەوییەکا، عەرەبەکا و گەل و ئایینە جیاجیاکا بیاونۊ، پەی ئانەی جە قازانجوو ژەنا و گەنجانە بۊ، مشۊم ئینسان زیاڎتەر کۊشیۊ، وێشا ڕێکۍ  وزا و بەسەفەربەری بەشداری جە قۊناغەکەینە کەرا. پەوکای قۊناغوو ورچنیەی پەی گەلا تورکیانە و بەتایبەتی پەی گلێرگەو کورڎسانیچ قۊناغێوە زەروورا. ئا کۊشیایە کە جمیەروو ئازاڎیی کورڎسانی٥٠ ساڵێن بەرۊش ڕاوە، دەسەڵاتداری فاشیستییش وستەن دلۍ قۊناغوو وڕایۊ. گەلوو کورڎی پا گێرۊرە سەروو ئی ورچنیەیە کە بیاوۊ بە ئەنجام.

ئندەو پەرستشی خێرەنە

پەوکای مشۊم بزانیۊ کە حەوڵۍ پەی ئازاڎی، داڎپەروەری، یەکسانی و ئاشتیی کۊمەڵایەتی، کۊشیای ئندەو پەرستشی خێرەنە. حەر مسوڵمانێوە تورکیانە ئانێشا کە بڕواشا بە دیموکراسی و ئازاڎی هەنە، مشۊم بۍ دووەدڵی بەشداریی ئی قۊناغەیە کەرا. گەل و ئایینەکۍ تورکیانە، کولتوورەکۍ تورکیانە چارەنویسوو وێشا چی ورچنیەینە دیاری کەرا. چی ورچنیەیچنە پارتوو چەپی سەوزی بە دەوروو وێش یەکلاکەرەوە بۊ.

هەرمانەی ئینسانییانۍ گرڎ باوڕمەندێوەنە

گەلوو کورڎی چا ڕوەوەن ئایینوو ئیسلامیش ئشناسان چەنیش برایەتیی ئوممەتیش بە بنەما گێرتەن، چەنی گەلی و ئایینە جیاجیایەکا سەرەمڕ دلۍ هامپەشتی و دۊسیتایەتینە بییەن. بەتایبەتی جە ٥٠ ساڵی ویەرڎەنە جە ڕاو جمیەروو ئازاڎیوە ئا کولتوورە زیاڎتەر بە زانابییەی، بە مەژگ و پیمای ژیواێوە دیموکراتیکی و ئازاڎی بەقوەتتەر بییەن. جە هادەپەیۊ تا هەدەپە و چی دمایچۊ پارتوو چەپی سەوزی، پارتەکا پێسە ئادیشا بەها و دەسکەوتوو ئا کۊشیاینۍ، وەروو ئانەی بەسەفەربەری مشۊم کۊشیای کۊمەڵایەتی کریۊ، ڕێکوستەی بەقووەت کریۊ، خاستەر هەرمانە کریۊ و هامپەیمانیی ڕەنج و ئازاڎی چی ورچنیەینە سەر وزیۊ. بەتایبەتی جە کورڎساننە و گرڎوو ئا مەنتێقانە کە گەلوو کورڎیش چەنە ژیوا، جە دژوو مەژگوو دەسەڵاتداری کە پەی پاکتاوکەرڎەی هجووم کەرا سەروو کورڎا، ئەشکەنجەشا مڎا، راپێچوو زینڎانیشا کەرا و جە کەسایەتیی ڕابەروو گەلوو کورڎینە گۊشەگیرییشا ملەرە سەپنا، هەرمانەی ئینسانانۍ حەر باوڕمەندێوەنە کە کۊشیۊ.

جەژنمبارەکی جە یۊترینی کەرمۍ

مشۊم بنەیانەو زینڎانییاما کەرمێوە سەر، جە بەرزتەرین ئاستنە پشتیوانیان چەنە کەرمۍ. چی جەژنێنە مشۊم زیاڎتەروێما بە کەسوکاروو گەشمەرڎاما زانمۍ، یادشا کەرمۍ بە قەرەباڵخی بلمۍ سەروو مەزارەکاشا. مەبۊ بنەیانەو گەشمەرڎا بەتەنیا جیۍ بازیا، جەژنمبارەکی جە یۊترینی کەەدۍ و سەروو یۊترینی دەیدۍ. پێسە جمیەری بۊنەو جەژنێوە وەرڎەموو یادوو گەشمەرڎانە سەرەو ڕێزی و پەنەزانای کۊمنمێرە و قەرار مڎەیمۍ، کە کۊشیایشا تا سەرکەوتەی درێژە پەنە مڎەیمۍ.

بەتایبەتی خێرێوە گەورێنە کە سەرڎای وەنەقۊمیایا مەنتێقەو بومەلەرزەکانە کریۊ، پێویسییەکێشا دابینۍ کریا. مشۊم سەروو گرڎ مسوڵمانۍ جە هەرێمە بوومەلەرزەدریایوەنەکانە دریۊ چە کورد، چە عەرەب و چە نەتەوەکای تەرۍ جەژنمبارەکییشا وەنە کریۊ.

بۊنەو جەژنێوە داوا جە گەلاو وەرکەوتوو دلێڕاسەی کەرمۍ، بەتایبەتی مسوڵمانا، کە لە دژوو فاشیستەکا، دەسەڵاتپەرسەکا، دوژمناو گلێرگەی، بازرگاناو ئایینی و مەزهەبپەرسەکان کە بە هامبەشی کۊشیا. پەوکای جارێوە تەر مەبارەکبایی جەژنەو ڕەمەزانی جە گرڎ لایۍ  و جە مسوڵمانە دیموکراتیکەکا دەکەرمۍ، کە ئینۍ خەموو پێوەرەژیوای گەلانە و لایەنگیرۍ یۊبییەی گەلانۍ. سەرجەنۊ هومێڎوو وێما ماچمێوە کە جەژنە بۊ مایۍ ئازاڎی، داڎپەروەری و یەکسانی پەی گەلاو وەرکەوتوو دلێڕاسەی".

س.ز