هامسەرۊکایەتی دەسەی ۋېڕاوەبەری کەجەکەی جە بارەو گەمارۊو سەرو کەمپو پەناھەنڎا گەشمەرڎە رۊسەم جوودی (مەخمور)ی ئەرەیاۋنېوەش ۋەڵاکەرڎۊ.

ئەرەیاۋناکە پی جۊرەنە:

" دەوڵەتو عێراقی، هەوڵو گەمارۊدای کەمپو مەخوری مڎۊ و ئینەیچ کەمپەکەنە پشېویش وەش کەرڎەن. وچیۊ کە پشېوی جە بەینو خەڵکو کەمپەکەینە و هێزەکا دەوڵەتو عێراقینە وەردەواما و دوۋۍ جە ۋڵاڎپارێزا زامڎارۍ بیېنۍ. هیوادارېنمۍ کە دوۋە ۋڵاڎپارێزە زامڎارەکە جە زوتەرین وەختەنە خاسۍ باوە. دەوڵەتو عێراقی پێۋیسا دمایی بە گەمارۊو سەرو کەمپو پەناھەنڎا مەخموری و پشېویوکا بارۊنە. دەوڵەتو عێراقی پۍ چارەسەرکەرڎەو کێشەکا، مەبۊ هێزی سەروازی، گەمارۊ و سەپنای بەکار بارۊ، پێۋیسا گفتوگۊ بە بنەڕەت ھورگیریۊ. خەڵکو کەمپەکەی حیچ کێشېوەشا چنی دەوڵەتو عێراقی نییا و دەوڵەتو عێراقیچ حیچ کېشېوەش چنی خەڵکو کەمپەکەی نییا کە چارەسەر نەبۊ.

کەمپو مەخموری ئینا چوارچێوەو یاساو پەناھەنڎانە

پېگەو ئا کەسا کە کەمپەکەنە مژیۋا، پەناھەنڎەی سیاسین و پێۋیسا پا جۊرە مامەڵەشا چنی کریۊ. بانگەشەکۍ دەوڵەتو تورکی جەبارەو کەمپو پەناھەنڎا مەخموریۊ راسۍ نیەنۍ. کەمپو مەخموری، کەمپێوە مەڎەنیین. ئا کەسېشە چنە مژیۋا، بە مەڵامەتو زوڵمو دەوڵەتو تورکیایۊ، سەرو یانە و شارو ۋېشاوە ئاوارۍ و دەربەدرۍ بیېنۍ، بەڵام بە ئیراڎە و کۊششۍ بەقوەت جە دژوو سەختیەکا مدرامان کەرا. دەیان ساڵېن کەمپو مەخموری، جە چوارچێوەو یاساکا نەتەوە یۊگېرتەکانە بارەو پەناھەنڎاوە، بیەن بە خۊتان پێگېوە ڕەسمی. واتە کەمپو پەناھەنڎا مەخموری، جە رووە یاساییەکۊ ئینا چېرو پارېزناو دەوڵەتو عێراقینە. ئی ئاژە و پێگەو مەخموریە وەردەواما. بە مەڵامەتو ئا یاسېوە کە وەرپرسیاری دەوڵەتو عێراقی جە وەران ۋەرو کەمپو پەناھەنڎا مەخمورینە هەن و پێۋیسا جابەجۍ کریۊ. وەرپرسیاری دەوڵەتو عێراقی بە پاو یاساکا نەتەوە یۊگېرتەکان، پارېزنای سەرو ماڵو پەناھەنڎان و پێۋیسا جە روو یاسا مرۊییەکاوە پەشگیری جە پەناھەنڎا کریۊ. دەوڵەتو عێراقی کەمیچ بۊ حەتا ئیسە پی جۊرە مامەڵەش کەرڎەن و حەتا ئیسە جە بەینو دەوڵەتو عێراقی و کەمپو پەناھەنڎا مەخمورینە حیچ پشېویۍ وەش نەبیەن.

بۊنەو فشاروو دەوڵەتوو تورکیوە نەتەوە یۊگێرتەکێ و عێراق، وەرپەرسبییەی وێشا جابەجا مەکەرا

چی ساڵاو دمایینە بۊنەو فشاروو دەوڵەتوو تورکیوە، نەتەوە یۊگێرتەکێ و دەوڵەتوو عێراقیچ وەرپەرسبییەی وێشا جابەجا مەکەرا، چەنی ئانەیچە کە کەمپوو پەناھەنڎا مەخمووری ئینا چێروو سەیەو نەتەوە یۊگێرتەکانە، بەڵام نوێنەرایەتی نەتەوە یۊگێرتەکا جە عێراقنە وێش بە وەرپەرس مەزانۊ جە دژوو هجووموو دەوڵەتوو تورکی حیچ هەڵوێشتێوەشا نییا، تا ئیساتێ بۊنەو هجووموو دەوڵەتوو تورکیوە بە دەیان کەسێ خەڵکوو کەمپەکەی زامڎارۍ بیێنێ و مەرڎێنێچ. وەلیم نوێنەرایەتیی نەتەوە یۊگێرتەکا عێراقنە هیچ هەڵوێستێوەش نەرمانان. نوێنەرایەتیی ویش چا ڕووەوە هەست پەنە نەکەرڎەن و جگە چانەیجە ڕەوایەتییش بە هجوومو ئەرەگیرا دان. دەوڵەتوو عێراقیچ بە هەڵوێستوو وێش، پەشتگیری جە پلانەو دەوڵەتوو تورکی پەی ورگێرتەی کەمپەکەی کەرۊ. پەنەوازا دەوڵەتوو عێراقی، ئی هەڵوێستە نەرێنییەو وێشە فاڕۊ، بە پاو وەرپەرسبییەیش جووڵیۊوە، نەک بە پاو فساروو دەولەتو تورکی. بانگەشەکاو دەوڵەتی تورکی کە کەمپوو مەخموری، کەمپێوە سەروازین ڕاس نییا دەوڵەتو تورکی بە بانگەشەی ناڕاس گەرەکشا ئی گەمارۊیە کەرۊ.

پەنەوازا دەوڵەتوو عێراقی پی بانگەشە ناڕاسا نەجووڵیۊوە. کێشەکا جەڕاو دیالۊگیوە چەنی خەڵکوو کەمپەکەی و بە قسێ و گفتوگۊ چارەسەر کەرۊ. ئێمە بڕواما چانێنە کە متاوا قۊرتەکا بە دیالۊگ چارە کەرا. هومێدما هەن کە هەڵوێستێ چی چوارچووەنە بە بناغە گێریۊ و قۊرتەکێ حەلێ کریا. بانگەوازما پەی نەتەوە یۊگێرتەکا ئانەنە کە دژوو سەپنای فشارەکا بۊنەو دەوڵەتوو تورکیوە وێشا بە وەرپەرس بزانا. وەڵی ئاڵۊزیای دۊخەکەینە و جەنگورگیسیاینە، پەنەوازا دەوڵەتوو عێراقی و نەتەوە یۊگێرتەکێ وێشا بە وەرپەرس بزانا. دەزگا میاندەوڵەتییەڕسمییەکێ و دەزگا کۊمەڵایەتییە مەدەنییە دیموکراتەکێچ حەوڵێ بدا قۊرتەکا جە چوارچووەو یاساو نەتەوە یۊگێرتەکانە بە پاو یاگێ پەنابەرتا بیاونا چارەسەر.

پەنەوازا گەلوو کورڎسانی و هێزە دیموکراتەکۍ، پەشتگیری جە خەڵکوو مەخمووری کەرا، کە مافەکێشا ڕەوێنێ و ڕا بە حەوڵە تێکدەرانا نەڎا خەڵکوو مەخمووری بەتەنیا جیانازا. پەشتگیریی گەلووو ۋڵاڎپارێزنوو کورڎسانی و لایەنە دیموکراتیکەکا پەی کەمپوو مەخمووری فرە گرنگا.

ھ . ش / س .ز