بەپاو سەرچەمە عەرەبییەکا، کۊمکاری عەرەبی گلېرۊبیەیۍ بەپەلەش بەستەن سەبارەڎ بە ئاژەو سودانی.

کۊمارو میسڕی داواش جە گرڎو لایەنەکا سودانی کەرڎ خېرا تەقەکەرڎەی مرڎنا، حەرپاسە لایەنە دژبەرەکۍ مەسڵەحەتەکا سودانی پارێزنا.

ڕۊو شەممەی، پېۋەرەدایۍ تن جە بەینو سوپاو سودانی و هێزەکا پاڵپەشتی خێرای جە وڵاتەکەنە جە پایتەخت و شارەکا تەرینە ڕوۋەشدا، ئینەیچ مەتەرسی جەنگێۋە دلێینەیش چنە کۊتۊ.

بەقسۍ قسەکەرو سوپاو سودانی جەنگەکە بەمەڵامەتو حەوڵو هێزەکا پاڵپشتی خیرای پۍ ھجومکەرڎەی سەرو سوپۍ جە بەشو پانیشتوو پایتەختی ڕوۋەشدا، گرووپەکە گەرەکشابیەن دەسگېرا سەرو چن پێگەۋە ستراتیژیرە خەرتومەنە، یۊچانیشا کۊشکی سەرۊکایەتین.

لا ۋێچشۊ، هێزەکۍ پاڵپشتی خێرای، جە چنڎین ئەرەیاۋنێنە، سوپاشا تۊمەتبار کەرڎ بە ھجومکەرڎەی سەرو هێزەکاشا جە پانیشتوو خەرتومی پایتەختینە.

ھ.ش