مێرسینەنە پەی شەرمەزارکەردەو کۆمکوژی دژو عەلەوییەکا جە پارکو ئۆزگور چۆجوکینە ئەرەیاونریێوە ونریاوە. پێکئامایەکا پلاتفۆرمو ڕەنج و دیموکراسیی مێرسینی بەشداری ئەرەیاوناکەی بیێ و درووشم دژو کۆمکوژییەکا بەرزکریاوە.

ڕاوەبەرو جەمەو کلتووری عەلەوییە عەرەبەکا، ئۆزجان داملا ئەرەیاوناش مشۆم ڕا نەدریۆنە جۆلانی و حکومەتو هەتەشەی بێنە دلێ وڵاتەکەی، جەختکریاوە وەراوەرو قڕکردەکا بێدەنگێ مەبیمێ، وچیا: "مشۆم دەموو دەس ئیدارەو هەتەشەی دمای بە هرووژمەکا بارۆنە، ئی سیاسەتە و فشارا شەرمەزار مکەرمێنە".

هامسەرۆکس دەم پارتی مێرسین بەدریە کوش، واتش: "ئی زیهنیەتە قبووڵ مەکەرمێنە و درێژە بە ئەوەکۆشای مڏەیمێ".

پەرلەمانتارو وەڵینو جەهەپەی مێرسین، ئەرەیاوناش ئینە تاوانێوەنە دژو مرۆڤایەتی، ئانی دژو ئی تاوانێ مەمرداوە مشۆم ڕوانگەو مرۆڤایەتییۆ ونە پەرسایۆشا چنە کریۆنە.