جەی بارەۋە میانگەو یاۋنەری و چاپەمەنی یەکینەکێ ڕۆژهەڵات (وەرهۆرز)و کوردستانی (یەرەکە-YRK)، جە ۋەڵاکریێۋی لەشکریەنە زانیاریێ فرەتەرێش دێنۍ و ئاشکراش کەردەن: 

"دوژمن و هێزە ئەرەگێرەکێ بە هێز و تواناشانەۋە درێژە بە هەوڵەکانشان پەی ئەرەگێرتەی کوردستان و کۆمەڵکوش-کەردەی گەلەکەیش مەڎانێ. جەی چوارچێۋەنە جە هەرێمەکێ پارێزنای مەدیای و کۋیسانەکێ وەرهۆرزو کوردستانی جموجوڵی ئاسمانی تورکیا و ئێرانی پەرەش سەندەن و بە بەردەۋامی باڵەپڕە جەنگیێ و سیخوڕیەکێشان مەسوڕیانێۋە. بەی تەورە دوژمنێ و ئەرەگێرێ کوردستانی گەرەکشانە کاریگەی جە ئیرادەو گەلی بکەرانێ و بە ڕێبازێ هامبەشێ دوژمنکارانێ قەڵاو مدرامانو کوردی گێرارە. بێگومان پیلانەکێ دوژمنی بە مدرامان و قارمانی بێۋنەو گەلی و گەریلای شکست باۋەرانێ و هەرگیز سەرنەگنانێ".

"پەیوەست پانەیە جە ٢٣ و ٢٥ی ئاب-ی، باڵەپڕە سیخوڕیەکێ تورکیای سەرو پێنجوێنێ و ئاسۆس-یەرە پەی ماۋێۋی درێژی سۆڕێنێۋە".

"جە ٢٦ و ٢٧ی ئاب-ی، باڵەپڕە سیخوڕیەکێ ئێرانی سەرو   شارچەو سەبەتلوی، دەگایەکێ دروولە، مجەسە، کانیاو، بنەخوێ و دەوسینەی کە سەر بە  شاری بانە-یەنێ و کۋیسانەکێ شاهۆ-و هەورامانیەرە سۆڕیێنێۋە".

پێسەو یەرەکە-ی گرد کەسێ و لایێ هایدارێ مەکەرمێۋە، "دوژمنێ و ئەرەگێرێ، قۆناغێۋی نۊشان دژ بە کوردستانی دەست پنەکەردەن، جە ۋەرانۋەرشەنە پنەوای بەیۆگێرتەیی و یەکڕیزیی و گۆڕدای بە کۆشاییشی هەن".