ئێشکگیری ئازادی بە سەرمەشقایەتی 'دەسوەڵوەستەی ئازدی پەی ڕابەر ئاپۆ"ی جە ٢٥و حوزەیرانی ٢٠١٢یۆ جە ستراسبۆرگو فەرەنساینە دەسش پنەکریان، ئێشکگیرییەکە بە قەراردارییۆ جە حەفتەو ٦٦٨نە بەردەواما.

ئێشكگیرییەکە حەر هەفتێوە و جە لایەنو گروپێوە جە شارە جیاوازەکا ئەورووپایۆ ملۆڕاوە. جە حەفتەی ٦٦٨و ئێشکگیرییەکەینە گرووپێوە یەرە کەسی جە وڵاتپارێزا (تەنەر ئاسڵان، ئەرجان یڵماز و عەبدولحەلیم ئەرگوڤان) ئێشکگرییەکەشا هورگێرت.

'مشۆم پرۆسەکەی یاونمێ بە سەرکۆتەی'

سەرو نامێ گرووپەکەی تەنەر یڵماز قسێش کەردێ و جەختش چانەیە کەردۆ پەنەوازا گرڏما جە ئەوەکۆشای ئازادی ڕابەر ئاپۆینە بەشدارێ بیمێ و واتش: "پەنەوازا گرڏما چنی پرۆسەو چارەسەریی ڕابەر ئاپۆینە بیمێ. حەر کات ڕابەر ئاپۆ بە جەسەیی ئازاد بی، ئاکاتە تاومێنە واچمێ جە وڵاتێوە ئازادەنە ژیومێ. ئەرنا ڕەوشی ئەرەگیری حەر بەردەواما. پەنەوازا پەیامەکەی یاونمێنە بە مەرامو وێش. پی مەڵامەتۆ مشۆم کوردا تاراوگەچ بە ئەرکو وێشا هورسا."