کۊمسیۊنو باڵاو ھورچنیەکا چا ۋڵاتانەی کە کلیچدارئۊغڵو کۊتەن وەڵۍ دەنگدایش پۍ ماوەو دوۋۍ ڕوۋا دیاریکەرڎەن و چا وڵاتانەیچ کە ئەردۊغان ئینا وەڵېنە ماوەو دەنگدایش پۍ چوۋار ڕوۋا دیاریکەرڎەن.
پۍ گەڕو دوۋەمو ھۆرچنیەی دەنگدای دەسپنەکەرۊ. بەڵام ڕوۋەکۍ دەنگدای بە پاو ئەنجامو سنووقەکا دیاریکریېنۍ.
دەنگدەرۍ ٢٠و ئایاری ملا سەرو سنووقەکا دەنگدای جە جبەرو ۋڵاتی. بەڵام کۊمسیۊنو باڵاو ھۊرچنیەی جە ۋڵاتا ئەمریکا، ئوستراڵیا، بەریتانیا، ئیرلەندا، ئیسپانیا، ژاپۊن، کانادا و لیبیای کە چنەشەنە کاندیدو هامپەیمانی گەلی و سەرۊکو گرڎی جەهەپەی کەمال کلیچدارئۊغڵو وەڵېوەبۍ، ماوەو دەنگدایش جە ٥ ڕوۋاوە پۍ دوۋۍ ڕوۋا کەمکەرڎۊ.
جە فەرەنسا، ئەڵمانیا، بەلجیکا و هۊڵندا کە رەجەب تەیب ئەردۊغان وەڵېوەبۍ، ماوەو دەنگدای دەستکاری نەکریان.
هـ . ش
