ئەحمەد یەنەر سەرۊکو کۊمسیۊنو ھۊرچنیەکا تورکیای دماین ئامار و داتاش سەرو ھورچنیە کا ١٤ و ئایاری پۍ ھورچنیەو سەرۊک کۊماری ۋەڵاکەرڎۊ و ۋاتش، حەتا سەعاڎ ٠٩:٤٥ دەیەقۍ بە وەختو دلېنەو تورکیای دەنگەکۍ ۱۹۲ هەزارا و ۱۸۷ سنوقا دەنگدای (۹۹٪) جە دلېنەو ۋڵاتی و جە جبەرو ۋڵاتیچ دەنگەکۍ ٨ هەزارا و ٦٥ سنوقا ئەژمار کریېنۍ و ھەڵای دەنگو ١ هەزار و ٥٣٩ سنوقایچ جیا نەکریېنۍ و نەژماریېنۍ.

یەنەر ئانەیچش ۋات، حەتا ئیسە ڕەجەب تەیب ئەردۊغان ٤٩.٤٠ جە سەڎو دەنگەکا و کەمال کیلیچدارئۊغلو ٤٤.٩٦ جە سەڎو دەنگەکا و سینان ئۊگانیچ سەڎەنە ٥.٢ۍ دەنگەکاشا بەدەسئارڎەن.

یەنەر ۋاتش، تۊمارو داتا و ئامارۍ تازۍ وەردەوامیشا بۊ.

ھ . ش