کۊمەڵەو عەفرینی: تا کارەساتی ئینسانی ڕووە نەدۊ، گەمارۊو سەروو شەهبای ورگێردۍ
کۊمەڵەو جڤاکیی عەفرینی گەمارۊو حکومەتو دیمەشقیش پەی سەرو کانتۊنو شەهبای شەرمەزار کەرد.
حکومەتو دیمەشقی جە ڕاو گەمارۊیۊ نمازۊ، هامکاریی ژیوای (شۊتو زارۊڵا، سۊتەمەنی، دەرمان، واردە و هتد) بیاوۊ هەرێمەکەی.
کۊمەڵەو جڤاکی هەرێمو جەزیرەی، گەمارۊو حکومەتو دیمەشقیش سەروو خەڵکو شەهبایۊ شەرمەزار کەرد،
کۊچبەراو عەفرینی و ئەنداماو کۊمەڵەکەی بەشداریی چالاکییەکەی بێنۍ وەردەمو بیناو کۊمەڵەو عەفرینینە قامیشلۊنە.
ئەندامەو کۊمەڵەکەی زەریبا حسێنە، ئەرەیاوناکەیش واناوە و واتش، وەربەسەکاو فیرقەو ٤و حکومەتو دیمەشقی نمازا دەرمان و هاردی و سۊتەمەنی و پێویسییە سەرەکییەکۍ تەرۍ بیاوا هەرێمەکە.
ئەرەیاوناکەینە ئەوەخوای کریانوە، هجوومەکاو دەوڵەتو تورکی بەردەوامێنۍ و بۊنەو کێشەو سۊتەمەنییوە کارەبا بەتەمامی شەهبانە پڕچیینە.
کۊمەڵەکە داواش کەردە، تا کارەساتی مرۊیی ڕووە نەدۊ، پێویسا گەمارۊکە دەسوبرد ورگیریۊ.
