کۊمیتەو گەشمەرڎا پەکەکەی ئەرەیاۋناش، کاروان هۊرام جە ئاکامو نەوەشیېنە جە ١٤و نیسانو ٢٠٢٣ ېنە گەشمەرڎە بی و سەرەوەشییش جە خانەواڎەو گەشمەرڎە هۆرامی و گەلوو ۋەرکەوتوو کورڎسانی کەرڎ.

کۊمیتەو گەشمەرڎا پەکەکەی سەبارەڎ بە گەشمەرڎەبیەو "محەمەد مەلەکی" ئەشناسیا بە "کاروان هۆرام"ی بە ۋەڵاوکەرڎەیۊ یاۋنەریۍ ئەرەیاۋناش، گەشمەرڎە کاروان هۆرام جە ١٤و نیسانو ٢٠٢٣ېنە بە مەڵامەتو نەوەشیۊ جە هەرێمەکا پارېزناو مەدیاینە گەشمەرڎە بی.

دەقو یاۋنەریەکەی:

پەکەکە پارتوو شەهیدان و بە درێژەدای بە راکېشا سەرکۊتەی مسۊگەر کەرۊ

پەی گەلوو نیشتمان پەروەروو کورڎسانی

مۊبارزېوە  ئازاڎیوازانەو کورڎسانی بە سەرمەشقبیەو رابەر ئاپۊی و پەکەکەی جە پەنجاویوهەمین ساڵەو ۋێشەنە بۍ مدارمان هەڵای هەن دلۍ کۊششینە و ئی مۊبارزە ئەنجاموو ھەرمان وکار و کۊششوو ملۋېنان ئینسانی ئازاڎیوازین. حەر ئینەیچ بیەن بە مەڵامەتوو ئانەی کە جە گرڎوو کورڎسانینە گەشە کەرۊنۍ و ۋەڵاو بۊوە و بۊ بە سازمانیە جەهانی. ئیسەیچ ئازاڎیوازەکۍ جە گرڎ لایېوە روەشا ۋنە کەرڎەن و شان بە شانوو گەلوو کورڎی مۊبارزە کەرانۍ.

ئاخێزوو ئازاڎیی کورڎسانی بە سەرمەشقبیەو پەکەکەی زیاتەر جە نیم سەڎێن خجڵوو مۊبارەزەین و هەزاران رۊڵۍ دلسۊزۍ وێش جە ژەن و پیا، بۍ سڵ کەردەیۊ جە سەختیەکا ئی ڕۍ پەی یاوای بە ئامانجەکەیشا وێشا فیدا کەردەن، بە ونەو ۋێشا ژیۋایە تازەشا نەخشنان. ئینەیچ بیەن بە مەڵامەتوو ئانەی مۊبارێز یان ئاخێزکاروو پەکەکەی جە گرڎ کەسۍ زیاتەر بە وزەو مۊڕاڵ بۊنەو تا دمایین هەناسە، دمایین تکەو ونێش جە مێڎانوو مۊبارەزەینە ئەرکەکا وێش بە یاگۍ بارۊنە.

جە قافڵەو مۊبارزەو پەکەکەینە ھامڕۍ وهەڤاڵێما جە ۋەرکەوتوو کورڎسانی هامڕا و هامسەنگەر چنی پارچەکا تەرو کورڎسانی نەخشێوە کاریگەرشا نەخشنان، چی ماوەنە سەڎان ژەنێو پیۍ ۋەرکەوتوو کورڎسانی جە 'کەلهور و هۊرام، سۊران و کرمانج'ی بۍ جیاوازی ئایینی و مەزهەبی پەیۋەسۍ ئی ئاخېزەیە بیێنۍ و دلێشەنە یاگێشا گێرتێنە. یۊ چا هەڤاڵا کە پەیوەس بە خاک و نیشتمانەکەیش  و ئاخېزو ئازایوازی کورڎسانی بی هەڤاڵ "کاروان هۊرامی" بۍ . کە بە کەسایەتیێوە کۊششکارو غیرەتی دلۍ ریزەکا مۊبارزەینە ئەژناسیا بۍ. بە داخېوە فرۊ شەوەو ١٤ و نیسانوو ٢٠٢٣ۍ  رێکەوت چنی ٢٥و نەورۊزوو ١٤٠٢ۍ وەرەتاوی کە پېسەو هەمیشەی سەرحاڵوو ھەرمانەو روانەو وێش بۍ کتوپڕ وڵکێش جە ھەرمانە کەوتۍ و کارمەنڎۍ پزشکی گەریلای و هەڤاڵەکۍ دۊرووبەریش فرە حۊڵشادا پەی ئانەی کە ژیۋایش پەی گێڵناوە، بەڵام داخی گرانم نەتاۋاشا جە مەرگی رزگارش کەرانۍ و پی جۊرە هەڤاڵ کاروان پەیۋەس بە قافڵەو گەشمەرڎا بی.

 پا جۊرەی کە مزانمۍ هەڤاڵ کاروان وەڵتەریچ گرفتوو هەناسەیش بۍ، ماوېوە درێژیچ بۍ نەوەشی قەنیش بۍ. بەڵام سەرەراو ئا گرڎوو نەوەشیا چی پانزە ساڵەنە حیچ وەختێو نەوەشی وێش جە وەرانوەروو بەجا ئارڎەی ئەرکەکاشەنە نەکەرڎ بە لەمپەر. بە پېچەۋانۊ فرەتەر جە گردوو هەڤاڵا ئەرکەکۍ ئاخۍزیش وستۍ سەروو ملوو وێش و تا ئا ڕوەی کە گەشمەڕدە بی نەوەشیش نەکەرد بە بەهانۍ پەی وێدای دمای جە بەیاگۍ ئارڎەی ئا ئەرکا و وێش نەڎا دماوە. مادام جە ریزوو وەلۍ ئاخېزینە ئاماڎەو بە ئەنجام یاونای ئەرکە شۊڕشگێڵیەکاش بۍ یاگە پەنجېش دیارېنۍ.

ئێمە چەنی ئانەی کە هەواڵوو گەشمەرڎە بیەی هەڤاڵ محەمەڎ مالکی ئەژناسیا بە هەڤاڵ کاروانی یاونمۍ سەرەوەشی وێما پێشکەش بە خانەواڎەی وەشەویسیشاو گەلوو نیشتمان پەروەروو کورڎسانی و رابەر ئاپۊی و گرڎوو هەڤاڵەکاو راو مبارزەیش کەرمۍ. حەرپاسە سەرەوەشی وێما کیانمۍ پەی مەردموو نیشتمانپەروەروو شاروو سنەی وەشەویسی و هەرێمو ژاوەرۊ و هۊرامانی و دەگاو تەختی. پنەشا ماچمۍ ئەشۊ سەربەرزێبا پانەی رۊڵېوە پېسە هەڤاڵ کاروانیشا پەروەردە کەرڎەن. شۆڕشگێڵۍ پېسە هەڤاڵ کاروانی یاگۍ سەربەرزین پەی ئێمەو شمەو گرڎوو گەلوو نیشتمانپەروەروو کورڎسانی. پەنەوازەن بە گرڎ جۊرێوە جە رەنج و کۊششی  و ئامانجەکا هەڤاڵ کاروانی خۊتانکەرڎەی (خاوەنداری)کەرۍ. حەرپېسە پەی یاوای بە ئامانجەکاش کە وەشکەردەی کورڎسانۍ ئازاڎ و دیموکراتیکی بۍ سەروو بنەماو پېوەژیوای دیموکراتیکوو گەلا کۊشش و مۆبارزەو وێما کەرمۍ یۊو ئاخێزوو "ژەنی ژیای ئازاڎی" یاونمۍ بە سەرکۊتەی.

هەڤاڵ کاروان هۊرامی بەشۍ فرە جە عمرو مۊبارزاتیش دلۍ یاونەری(چاپەمەنی) ئازادینە بەرد سەر، پەوکی دەزگای یاونەری ئازاڎ کادرۍ دڵسزۊز و بەتوانا و فیڎاکارش جە دەس دا. کۊشش و مۊبارزەو یاونەری ئازاڎ رەنگین بیەن بە ونەو گەشمەرڎا، تا ئارۊیچ چی ڕېنە گەشمەرڎە "مەزڵووم دۊغان، غۊربەت ئەلی ئەرسۊز، قاسم ئەنگین و سیروان نالی و دۊزدار حەمۊ" و گەشمەرڎا یاونەری پەژاکی و سەڎان هەڤاڵۍ تەرۍ، گیانوو وێشا پەی یاونەری ئازاڎی پێشکەش کەردەن و هەڤاڵ کاروان هۆرامیچ پەیوەس پی قافڵەیە بی.

گەشمەرڎە کاروان چا وەختۊ کە پەیۋەس بە ریزەکا ئاخېزی بی تا ئارۊ کە گەشمەرڎە بی، بۍ حیچ دوە دڵیۍ ، بۍ ئانەی خەمش جە مانیایی بۊنە، پا جۊرە کە پەیوەس بۍ بە ئامانجو گەشمەرڎاوە حەر پاسە فەلسەفەو رابەر ئاپۊی حەر ئەرکۍ کە وزیابیۍ سەروو شانەیش بە گرڎوو تاقەتیش و بە عەشقۊ بە هەستۍ وەرپەرسانە و هەڤاڵانە پێشوازی چا ئەرکەیە کەرۍ. پەی ئاڎی گرفت نەبۍ کە فەرمانڎە بۊ یان شەڕوان، پەی رێکوستەی گەلی هەوڵدۍ جە هەر یاگېنە کە ئێنسانیەت هەن پەیاموو حەقیقەتو ئازاڎیش پنە یاونۊ. جە دمایین قۊناخەو مۊبارزەیشەنە جە یاونەری ئازاڎەنە بە گردوو تینو تاقەتیش شەوو رۊ دەم بە خوەوە هەرمانە کەرۍ و وەرهەمدار بۍ.

پەوکی جە دمایین واچەنە ماچمێ؛ گەشمەرڎە کاروان پەی ئێمە پسەو هەڤاڵەکاش و هامراکاش بیەن بە نموونە پەی کۊششیما جە راو ئازاڎینە و پەیمانما چنیش واوەی کەرمێوە کە ئاڵاو مۊبارەزەو ئازاڎی گەشمەرڎە کاروان هۆرامی و گردوو گەشمەرڎا راو ئازاڎی جە بەرزیی کەشەکا کورڎسانی هۊربڎەیمی. بە دلنیایوە زوو یان دېر قافڵەو ئازاڎی یاوۆنە مەنزڵگەو وێش.

 نەمری  و سەربەرزی پەی هەڤال کاروانی و گرڎو گەشمەرڎا کورڎسانی

ژیوا گەشمەرڎۍ پەکەکەی

ژیوۊ رابەر ئاپۆ

زانیاری جەبارەو ئشناسنامەو گەشمەرڎە کاروان هۆرام-یۊ:

ئشناسیا بە: کاروان هۆرام

نامۍ و دمانامۍ: محەمەد مەلەکی

یاگۍ جە ئەڎابیەی: سنە - ژاوەرۊ

نامۍ ئەڎۍ و نامۍ تاتەی: قەتا – کەریم

وەخت و یاگۍ گەشمەرڎەبیەی: ١٤و نیسانو ٢٠٢٣ / هەرێمەکا پارېزناو مەدیای.

کۊمتەو خانەواڎەو گەشمەرڎا پەکەکەی

١٨\٥\٢٠٢٣ 

ھ . ش