کۆنفیدراسیۆنە مییانو گلێرگەو دیموکراتیکو کوردی جە ئەڵمانیانە (کۆن-مەد)، بە بۆنەو نزیکبییەیۆ  و ١ ئایاری ڕۆو جەهانی جەژنە و کرێکارا ئەرەیاونێوە نویسریاش وەڵاکەردۆ.

کۆن-مەد جە سەرەتاو ئەرەیاوناکەینە بەبۆنەو ١و ئایاری سڵامش جە ۆو ئەوەکۆشای ڕەنج، یەکسانی و ئازادی کرێکارا و گەلا چێردەسی کەرد و واتش: "پێسەو کۆن-مەدی  جە دژو سیستەمو سەرمایەداری ئەرەگیری، ڕەگەزپەرەسی و سیاسەتەکا جەنگی دەنگما بەرز مکەرمتوە. گەلوو کوردی و گرڏو هێزە دیموکراسییەکا جە دژو زوڵمی بە یەکهەڵویسی جە مڏرامانەنە  بەردەوامێنێ."

جە بەردەوامینە ئاماژەش بە پشلکاری وڵاتا سەرمایەداری جە دژو کرێکارا کەردەن و ئامان: "جە کاتێنە ئەڵمانیا و جەهان و مافەکا کرێکارا پەشگۆش وسیانە، دەنگو وێما بەرزتر مکەرمێوە و ئەوەکۆشایما بە هێزتەر مکەرمێنە."

 دماین و ئەرەیاوناکەینە جەخت سەرو وەرفراوانکەردەو ئەوەکۆشای کریانۆ و ئامان: "پێسەو ڕوەبەرو کۆن-مەدی چنی ڕاوەبەرو فیدراسیۆنەکا و بەشەکاما جە گرڏ یاگێ ئەڵمانیایپینە ئەنجوومەنێما بۆنە، چنی گرڏو گەلوو وڵاتپارێزیما، دۆساما، گرڏو ئا کەسا لایەنگرو ئاشتی و دیموکراسیینێ، جە مێڏانەکەنە بیمێ. ١و ئایاری یۆگێرتەو ڕۆو فاڕییاین! ئەوەکۆشایما جە دژو ڕەگەزپەرەسی، ڕەنج دای و نادادی فراوانتەر مکەرمێنە."