ئا کۆنفرانسەی ٢٥ و کانوونو دووەمی دەسش پنە کەرد، بە گفتوگۆ و سەرنجی گرنگ سەرو ۋەرنیشتی بەردەواما.

جە یووەم ڕۊو کۆنفرانسەکەینە مژارەکۍ پېسە پارادایمو کۆنفیدراڵیزمی دیموکراتیکی ڕابەر ئاپۆی و ئایدۆلۆجیاو تەڤگەرو ژەنا کوردی و تاریخو ئەرەیاۋنای کوردی و ئیکۆلۆژی و ژنۆلۆژی هۊرسەنگنایشا پەی کریا.

هامکات دەربارەو هرووژمەکا دۊڵەتو تورکی پەی سەرو چېرخانو وزەو ۋەرنیشتی سەرنجی گرنگ وزیا ڕووە.

جە زانشتگەو هایدلبێرگی، پرۆفیسۆر د. میشێل هاوس جە ئەرەنیشتەی یووەم و ڕۊو دووەمو کۆنفرانسەکەینە بە نامونیشانو "بنیاتنیای ئەرەمەرزیای دیموکراتیک"ی مژارێوەش پێشکەش کەرد. باسش جە گرنگی و ڕێبازەکاو بنیاتنیای ئەرەمەرزیای دیموکراتیکی کریا.

مژاری دووەمیچ پێوەس بۍ بە "ئاسایشو ۋەرنیشتی". ئەندامێوە ئیدارەو ۋێڕاوەبەری سەرنیشت و ۋەرکۊتوو سوریای سەرنجو ۋێش وست ڕووە و سەرو ڕێکوستەی ئەمنی و بنیاتنیای ئەرەمەرزیای دوور جە تنوتیژی زانیاری دریا. هەرپاسە پەی مسۆگەرکەردەی ڕا و ڕێبازی ئەمنی و ئاشتی و دادپەروەری هۊرسەنگنایشا پەی کریا.