تەڤگەروو گەنجە شۆڕشگێڵنە سوریا و یۆبییەی ژەنە گەنجا کانتۆنوو دەیرەزۆرینە دووەم کۆنفڕانسوو وێشا بەست، بە درووشموو "بە ژیوایۆ گەنجا وێما ڕێک وزمێ و ئازاڎیی جەستەیی ڕابەر عەبدوڵا ئۆجالانی مسۆگەر کەرمێ.
کۆنفرانسەکە بە دەیەقێوە ڕێزگێرتەی جە یادوو گەشمەردا دەسش پەنە کەرد، دمایی بەڕاوەبەر جە کۆمیتەو گەنجا و وەرزشوو دەیرەزۆرینە، ئیبتسام محەمەد مەبارەکباییی بەستەی کۆنفرانسەکەیش کەرد و جەختش کەردۆ جە دەوروو گەنجانە جە بنیاتنیای گلێرگەینە و فاڕیای ئەرێیینە.
کۆنفڕانسەکەنە چندین وەڵێنیارێ و پەیلوایێ وزیێ ڕووە پەی تۆکمەکەرڎەی دەوروو گەنجا و قەوەتکەرەی بەهاکاو تێکەڵاوی و یەکسانی و دادپەروەریی کۆمەڵایەتی بەینوو گەنجانە، هەرپاسە دەسوەڵیوستەێوە تازە ئەرەیاونیا پەی پتەوکەرڎەی هەماهەنگیی بەینوو گەنجا بوارە جیاوازەکانە.
هەرپاسە سینڤزیۆنێوە دەربارەو هەرمانەکاو ساڵێ وەڵینەو تەڤگەروو گەنجە شۆڕشگێڵنە سوورییا و یۆبییەی ژەنە گەنجا نیشانە دریا.
هەرمانەکاو کۆنفرانسەکەی بە چند ئەنجامگیریێوە دماییش ئاما، پێسە: بەستەی کۆبییەیۆ جەماوەری و وۆرک شۆپ پەی هۆشیارکەرڎەیۆ گەنجا و پەروەرڎەکەرڎەی چینەکاو جڤاکی بە فیکر و فەلسەفەو ڕابەروو گەلوو کوردی عەبدوڵا ئۆجالانی، هەسکەرڎەیۆ کۆمیتەکاو پارێزنای کۆمیونی و مەجلیسەکا، ڕێکوستەی کۆڕ و چالاکییەکا دەربارەو فیکروو ڕابەروو گەلوو کوردی عەبدوڵا ئۆجالانی و گەنجە شۆڕشگێڵنا پەی هۆشیارکەرڎەیۆ گەنجا جە تەرسەکاو ماددەی هۆشبەری، کەرڎەیۆ پڕۆژەی و ڕەخسنای هەلوو هەرمانێ پەی گەنجا، کاراکەرڎەیۆ ناوەندەکاو چالاکیی وەرزشیی.
