ئەنجومەنو کۊنگرەو ستاری جە بەیاننامېوەنە ھجومو سوپاو ئەرەگیری عێراقیش بە مەبەسو گەمارۊدای کەمپو پەناھەنڎا گەشمەرڎە رۊستەم جوودی (مەخمور)ی شەرمەسار کەرڎ.

کۊنگرا ستار ئەرەیاۋناش، ھجومەکەو سەرو مەخموری پاشێلکەرڎەی یاسا میان دەوڵەتیەکان جە دژوو مافو پەناھەنڎەی و ۋاتش، " مەخمور جە لایەنو نەتەوە یۊگېرتەکاوە سەرپەرشتی کریۊ."

جە یاۋنەریەکەو کۊنگرا ستارینە باسو ئانەی کریۊ کە پەشتەو ھەوڵەکا سوپاو عێراقیوە دەوڵەتو ئەرەگیری تورکی و پەدەکە هەنۍ و ۋاتش، " گەرەکشانە گرڎ ڕېوە ژیۋای جە گەلوو کورڎی گېرا کە پۍ ئازاڎیی کۊشش کەرۊ.

کۊنگرا ستار جە دما دماینە بانگەوازش جە حکومەتو عێراقی کەرڎ کە نەبۊ بە هامکارو سیاسەتو قڕکەرڎەی و فاشیزمی دەوڵەتو ئەرەگیری تورکی و هامکارەکاش.

ھ .ش