دیوانوو هامسەرۊکایەتیی کۊنگرەو گەلی بۊنەو گەشمەرڎەبییەی "ڕاپەڕین ئامەد"ێوە پەیامێوەش وەڵا کەرڎۊ و ئەرەیاوناش، "ئاڎە جە کۊشیای ٣٠ ساڵەو وێشنە حەر چوارپارچەو کورڎسانی و ئەورووپانە خەباتش کەرد، پێسە جەنگاوەرێوە ئاپۊیۍ بەبڕوۍ، گرڎ لاێنە یاگەدەسش دیار بۍ".
دیوانوو هامسەرۊکایەتیی کۊنگرەو گەلی بۊنەو گەشمەرڎەبییەی ڕاپەڕین ئامەد (دەلال عەزیزئۊغڵۊ)ێوە، پەیامێوەش وەڵا کەرڎۊ:
پەیامەکەنە ئامان:
"هامڕێما ڕاپەڕین ئامەد (دەلال عەزیزئۊغڵو)وە، یووە جە کادێرە وەڵێوەبییەکا پەکەکەی و پاژکی بۍ، جە ١٧و حوزەیرانینە جە هجوومێوە ئاسمانیی دەوڵەتوو تورکینە، جە هەرێمەکاو پارێزنای مێدیاینە گەشمەرڎۍ بییە.
سەرەتا سەرەوەشیی جە بنەیانەی بەنرخوو "عەزیزئۊغڵو"ی کەرمۍ، حەرپاسە سەرەوەشی جە گرڎوو هامڕایاما و گەلەکەیما کەرمۍ. ئا هامڕێما بە وەشەویسی، ڕێز و پەنەزانایۊ یاڎەش کەرمۍ. قەرار مڎەیمۍ کە ئامانجەکاش بارمۍ دی.
هامڕاما "ڕاپەڕین ئامەد"ە، جە کۊشیای ٣٠ ساڵەو وێشنە حەر چوارپارچەو کورڎسانی و ئەورووپانە خەباتش کەرد. پێسە جەنگاوەرێوە ئاپۊیۍ بەبڕوۍ، گرڎ لاێنە یاگەدەسش دیار بۍ.
کۊنگرەو ٢٠١١ ینە بییە یارڎەیدەرەو هامسەرۊکایەتیی کۊنگرەو گەلی. پێسە دیوانوو کۊنگرەو گەلی جە خەباتوو ئەرەمەرزنایۊ کۊمەڵایەتی بە پێرسپێکتیڤ و دووردیای کۊنفیدراڵیزموو دیموکراتیکی و نەتەوەو دیموکراتیکی ڕەنجۍ فرەش دا. جە وەرنیشت و شەنگالنە پەی مەرزنایرەی گلێرگێوە دیموکراتیکی خەباتش کەرد.
بواروو ئارڎەینە و پێکئارڎەی پڕۊژەو کۊمەڵایەتیی دیموکراتیکینە، چالاکانە دەور گێڵنۍ. پێسە پەروەرڎەکارۍ و ئەوەکۊڵنی خاسۍ، چی بوارەنە پەی پەروەرڎەی و رێکوستەی کۊمەڵایەتی بەشڎارە بۍ.
پێسە هامسەرۊکایەتیی کۊنگرەو گەلی چوارچووەو پاڕادایموو ئازاڎینە، دلۍ گرڎ مەیڎانێنە ئەرەمەرزنای گلێرگێوە دیموکراتیکی، بەتایبەتی پەروەرڎەو گەلینە دەورۍ وەڵێکەوتانەش گێڵنا.
گەشمەرڎەبییەی هامڕێما "ڕاپەڕین ئامەد"ۍ پەی گلێرگەی ئازاڎی و پڕۊژەو ژەنەی ئازاڎەو "ڕابەر ئاپۊ"ی خەباتوو ئەرەمەرزنای کۊمەڵایەتی، پاڕادایموو ئازاڎی و کۊشای ئازاڎی، کۊسێوە گەورەن. جە ڕووەو ئەزموونی و زانیاریوە، کە خەباتنە بەدەسش ئارڎەبۍ، گەشمەرڎەبییەی ئاڎۍ بەتایبەتی پەی هامسەرۊکایەتیی کۊنگرەو گەلی زەرەرێوە گەورەن.
ئێمە هامڕاما راپەڕین-ە، کە جە مەجالەو یاسانیایرەینە (مەیڎانوو نیایرەی کۊمەڵایەتی)ینە، کە یۊن جە کۊڵەکەکاو یاسانیایرەی، ڕاوەبەرو داڎوەروو سیستموو کۊنفیدڕاڵیزموو دیموکراتیکین، پێسە ڕێکوزۍ، ئەوەکۊڵنۍ و پەروەرڎەکارۍ هەرمانەش ور گێرتە، بە ڕێز و پەنەزانای فرەوە یاڎش کەرمۍ و قەرار دووەبارە کەرمێوە، کە بەدڵنیاییوە ئامانجەکاش مارمۍ دی.
ئێمە جارێوە تەر سەرەوەشی جە بنەیانە بەنرخەکەیش و جە گرڎوو هامڕایا و گەلەکەیما کەرمۍ".
س.ز
