ئارۊ جە شارۊچکەو سنون-ۍ، پەنجەمین کۊنگرەو ئیڎارەو وێڕاوەبەریی دیموکراتیکی شەنگالنە بە بەشڎاریی ٤٥٠ نوێنەرا و کینەرا لوا ڕاوە.

هەرمانەکاو کۊنگرەی واتەواچ و پەسەندکەرڎەی لکەبەسی کۊمەڵایەتیی ئیڎارەو وێڕاوەبەریی دیموکراتیکی شەنگالییش گێرتەبۍ وۍ. حەریۊ جە "جیهان جەلو و نایف شەمۊ"ی پێسە هامسەرۊکوو مەجلیسی ورۍ چنیۍ. ئینجا حسین "سەعدو و خوخی دەخیل" پێسە یاگەداروو هامسەرۊکی ورۍ چنیۍ. چەنی ئانەیچە جە کۊنگرەکەنە ١٠١ ئەندامۍ مەجلیسوو گەلی پەسەندۍ کریۍ، جە نوێنەراو مەجلیسوو دەگایەکا و نوێنەروو پێکئامایەکاو شەنگالی، نوێنەروو ئەرەمەرزیا و ڕێکوزیایەکاو شەنگالی. ئینجا ئەنداماو مەجلیسوو ئیڎارەی و ئەنداماو دەسەی گرڎینی ورۍ چنیۍ.

کۊنگرەکە پی قەرارا دماییش ئاما:

ئەرەیاونای هامسەرۊکوو مەجلیسوو جابەجاکەرڎەی، گەشمەرڎە دژوار فەقیر، پێسە هامسەرۊکی هەمیشەیی و مەعنەویی ئیڎارەو وێڕاوەبەری.

ئەرەیاونای "حسن سەعید، عیسی، ئازاد، پیر چەکۊ، شێرزاد، ئاگر، ئەنوەر، زاگرۊس، محسن، ئیبراهیم دەروێش، فراشین، شەهید مەنال و شێروان"ی، پێسە گەشمەرڎا سەرڎەمی و مدرامانی.

ئەرەیاونای گەشمەرڎا خەسەخانەو سەکینیەی پێسە ڕەمز و شکۊو هەرمانۍ و نیشتمانپەروەری.

بەنیسبەت قڕکەرڎەی ئێزیدییەکاوە، هەم عێراقنە و هەم مەیدانی میاندەوڵەتینە، مشۊم هەرمانە کریۊ پەی دداننیایپۊرەیش پێسە جینۊسایدی.

پەی دداننیایپۊرەی بە ئیڎارەو وێڕاوەبەریی شەنگالی، مشۊم لکەبەسێوە کۊمەڵایەتی بەسیۊ و قسەوباس چەنی گرڎوو لایەنەکا کریۊ.

مشۊم پڕۊژەو ئیڎارەو وێڕاوەبەری، کە مەجلیسوو ئیڎارەو وێڕاوەبەریی شەنگالی ئامادەش کەرڎەن، پێسە چارەسەرێوە وینیۊ و کریۊ بە بناغەو گرڎوو کۊبییەیۊکا.

مشۊم ڕێککەوتەی ٩ و ئۊکتۊبەرو بەینو کازمی و پەدەکەی و دەوڵەتوو تورکیای ڕەت کریۊوە و خەبات پی ئاڕاستەیە کریۊ.

هەرمانە کریۊ پەی ئەرەمەرزنای یۊبییەی ئەرەنیشتاو شەنگالی.

هەرمانە کریۊ پەی ئازادیی ڕابەروو گەلوو کوردی "عەبدوڵا ئۊجالان" بە گرڎ نۊعۍ.

نیایرەی "مام زەکی" و "مام بەشیر"ی پێسە پایەکاو ڕێککەوتەی ئێزیدی.

قەرارا سەوای یووەمین کۊبییەیۊ مەجلیسوو ئیڎارەو وێڕاوەبەریی دیموکراتیکوو شەنگالی بلۊ ڕاوە و هامسەرۊکاو مەجلیسوو جابەجاکەرڎەی شەنگالی و دیوانوو مەجلیسوو جابەجاکەرڎەی ورۍ چنیا.

س.ز